Сәяхәткә – диплом белән

9 февральдә үткән Рус географиясе җәмгыятенең төбәк бүлекчәсенең еллык отчет җыелышында башка муниципалитетлардан ешрак Яңавыл районы исеме яңгырады. Игътибар итегез, һәрвакыт күңелгә ятышлы сәбәп буенча.

Беренчедән, Рус географиясе җәмгыятенең иң яхшы урындагы бүлекчәсе республика конкурсында Яңавылныкы 67 бүлекчә арасында беренче урын яулаган. Ул БРның Рус географиясе җәмгыяте дипломы һәм 50 мең сум күләмендә премиягә лаек булган. Призерлар өчлегенә шулай ук Уфаның Дема һәм Гафури районнары кергән.

Икенчедән, җыелышта район хакимияте башлыгы Илшат Вәзигатов туризмны үстерүгә зур өлеш керткән һәм Рус географиясе җәмгыятенең урындагы бүлекчәсе эшчәнлегенә актив ярдәме өчен Мактау грамотасы белән бүләкләнгән. Мондый хөрмәткә башлыкларның берсе дә лаек булмаган.

Һәм күңелгә ятышлы өченче яңалык: Иске Вәрәш авылы мәктәбе укытучысы, районның география укытучыларының методик берләшмәсе җитәкчесе, Рус географиясе җәмгыяте әгъзасы Светлана Әхмәтгәрәева «Географик диктант-2017» Халыкара белем бирү акциясе дипломына ия булган. Ул 96 һәм күбрәк балл җыйган республика география диктантының иң яхшы 30 катнашучы исәбенә кергән. Исегезгә төшерәбез, географик диктант Русиянең барлык субъектларында һәм чит илдә 2017 елның 26 ноябрендә узды.

Башкортстанда катнашучылар саны (17350 кеше) буенча иң актив төбәк булды. 260 меңнән артык кеше белемен тикшерде, ул 2016 ел нәтиҗәсен шактый арттырды – 187 мең. Моннан тыш, 110 меңгә якын шәхес сорауларга онлайн-режимда җавап бирде.

Рус географиясе җәмгыятенең Яңавыл бүлекчәсе әгъзалары өчен 9 февраль менә шундый уңышлы булды. Алар кичә «Башкортстан буенча сәяхәт» маршруты буйлап сәяхәт башлады – республиканың иң төньяк ноктасында булды. Арытаба БРның иң көнбатыш ноктасы Бакалы районына юл тотачаклар.