Яз өмәдән башланды

Агымдагы атнада Яңавылда чисталык булдырылды. Кар, боз эрү нәтиҗәсе күренә, урамнарда киптерде, һәм моны инде бәяләргә өлгердек. Бу көннәрдә кайбер урыннарда себерке белән эшләделәр, бордюрларны агарттылар.

Шәһәр биләмәсе хакимияте мәгълүматы буенча, 10 апрельдә 1600дән артык кеше өмәгә чыккан. Эшкә сигез берәмлек техника җәлеп ителгән, 9800 тонна чүп-чар чыгарылган.

Шәхси секторда яшәүчеләр дә читтә калмады: кар ташлады, су агызу канауларын, кюветларны чистартты, ташкын суларын тоткарлыксыз җибәрү өчен кирәкле эш башкарды. Кызганычка каршы, моны барысы да үтәми. Канауны чистартмау гына түгел, ә аңа шлак, агач ботаклары, төзелеш чүп-чары да тутырган кешеләр бар. Беренчедән, мондый күренеш урамны бизәми, ә иң мөһиме – яшәүчеләрнең саксызлыгы нәтиҗәсендә су басырга мөмкин.

Авылларда да өмәгә чыкканнар. Биредә нигездә кар таратканнар.

Яз көне башкарыласы эш күп әле, ләкин иң мөһиме – бергәләп тотынырга һәм һәрберебезгә бер гади кагыйдәне истә тотарга: даими җыештырган урында түгел, ә үзе һәм башкаларга чүп-чар ташларга мөмкинлек бирмәгән урында чиста.

Гомумрайон экологик өмәләренең 14, 28 апрельдә һәм 5, 12 майда, шулай ук һәр чәршәмбе үтүен исегезгә төшерәбез.