Пар канатларыгыз сынмасын

Хисләрне югалтмыйча, мәхәббәтне өлкән яшькә кадәр ничек сакларга? Бу сорауга җавапны Флүзә Тимерша кызы һәм Борис Мөхәммәтнур улы Шакировлар гаиләсендә беләләр, алар шушы көннәрдә бергә тормыш коруларының алтмыш елын билгели. Алар тормыш сукмагыннан бергә атлап кына калмый, ә рухи якынлык та саклый. Һәр иртәдә бер-берсен яңа көн тууы белән котлап, әлегә кадәр бер-берсенә мәхәббәт хисләрен белдерәләр...

Борис Мөхәммәтнур улы Истәк авылы мәктәбен тәмамлап, 1 санлы мәктәпкә Флүзә Тимерша кызы укыган сыйныфка килгән. Танышуның тәүге көненнән дус булганнар. Ә тормыш аергач – егет кораллы көчләр сафында хезмәт иткән, кыз Үзбәкстанда яшәгән, бер-берсенә дулкынландыргыч хатлар язганнар. Егет кызга шигырьләр багышлаган. Шул тырышып язылган назлы сүзләр белән дәфтәр бүген дә йортта гаиләнең истәлекле әйбере буларак саклана. Хезмәттән кайткач, ул Сурхан-дарьин өлкәсенә кыз янына киткән. Бергә мамык чистарту заводында эшләгәннәр, арытаба, диплом алып, Борис Мөхәммәтнур улы үзбәк авылларына электр үткәргән. «СССРның энергетика һәм электр үткәрү алдынгысы» билгесе белән бүләкләнгән. Йорт төзегәннәр, кыз һәм ике ул үстергәннәр.

Яңавылга балалары кече Ватанда үссен һәм үз тамырларын белсен өчен кайтканнар. Борис Мөхәммәтнур улы – «Краснохолмскнефть» идарәсенең баш энергетик бүлегенә, Флүзә Тимерша кызы шунда ук бухгалтер булып эшкә урнашкан. Өч бүлмәле фатир алганнар, ләкин дүрт стенада кысык булган. Янә үзләре ныклы, матур йорт салган. Хатыны әйтүенчә, Борис Мөхәммәтнур улының кулы оста, ул җиңеп чыкмаган эш юк, ди. Яшь чакта ук сәламәтлеге бик яхшы булмаган сөекле хатынын кадерләп саклаган. Һәм балаларын да шулай өйрәткән. «Иң матур алма кемгә? Әлбәттә, әниегезгә», – дип, аны чистартып, хатынына сузган. Сәламәтлеген ныгытсын өчен аны шифаханәгә җибәргән, балалар һәм хуҗалык турында хәстәрлекне үз өстенә алган. Флүзә Тимерша кызы исәпләгән, 26 тапкыр барган. Ә ял итәргә

бергә йөргәннәр.

Шакировлар йортында уңайлы, чисталык, тәртип. Бакчада – бер чүп үләне дә юк. Балалары – оныклары белән кызлары һәм уллары ярдәмгә килә. Лилия тоташ гомере буе операция шәфкать туташы булып эшләгән. Илдар – шәхси эшкуар, Линар – нефтьче. Дәү әни һәм дәү әтиләренең җиде оныгы бар, туруннары да шулай ук. Шушы көннәрдә алар барысы да әти-әнисен бриллиант туй белән котлау өчен җыела.