Барлык яңалыклар
Җәмгыять
3 июль 2018, 11:03

Яңавыл – яраткан шәһәр

Шимбә, 30 июньдә, берьюлы ике бәйрәм билгеләнде

Узган шимбә Яңавылда Шәһәр һәм Яшьләр көненә багышланган бәйрәм чаралары үтте. Көн программасы ике өлешкә бүленгән иде. Көндезгесе (күбрәк балаларга исәпләнгән) шәһәр мәдәният һәм ял паркы, шулай ук «Яшьлек» ФОКы территориясе, Яшьләр сараенда оештырылды. Спорт ярышлары һәм уеннар, театрлаштырылган тамашалар, конкурс, акцияләр – менә балалар һәм аларның ата-аналары катнаша алган чараларның тулы булмаган исемлеге. Эшкуарлар балаларга батут, карусель һәм башка аттракционнарда күңел ачарга тәкъдим итте, маймыл белән фотога төшәргә, понида йөрергә һ.б. мөмкин булды. Әмма «Сабыйлар ярышы» барлык җыелучыларда зур кызыксыну уятты. Старттан финишка кадәр нәниләр еларга да, адашырга да, дуслар табарга да өлгерде, кайберләре бөтенләй «старт алмады», әмма беркем грамота һәм бүләксез калмады. Тимур Габдуллин, Наилә Рәшитова, Анастасия Петрова, Әмир Минһаҗев, Катрина Игнатьева, Айваз Галиев, Рената Шакирҗанова – барлык катнашучылар төрле номинацияләрдә билгеләнде, ә Фирдан Латыйпов финишка беренче булып килде.
р фестивале белән тәмамланды. Ә кич Яңавылның төп мәйданында инде төрле яшьтәгеләр өчен тантана башланды. «Минем шәһәр Җир йөзендә, тоташ планетада иң яхшысы», – дип җырлады музыкаль-бию композициясендә катнашучылар, бәйрәмнең кичке өлешен ачып. Район хакимияте башлыгы Илшат Вәзигатов мәйданда җыелучыларны тәбрикләде.
Арытаба йола буенча «Яңавыл районының мактаулы гражданины» исеме бирелде. Быел аңа мари җәмәгатьчелек оешмасы рәисе, «Ужара» ширкәте директоры Александр Гайсин лаек булды. Бүләкләүне БР Яшьләр сәясәте һәм Спорт министрлыгының рәхмәт хатлары, район хакимиятенең мактау грамоталары һ.б. тапшыру дәвам итте. Арытаба сәхнәгә шәһәр биләмәсе хакимияте башлыгы Фирдәвес Миндияров чыкты. Яңавыллыларны искиткеч бәйрәм белән тәбрикләп, ул 2017 елда иң яхшы күп фатирлы йорт республика конкурсында җиңгән йорт рәисләренә йөз мең сумга сертификат тапшырды. Призлар фонды күп фатирлы йорт, аның гомум милке составына кергән җир участогын карауга юнәлтеләчәк.
Урнашкан йола буенча шулай ук 50 ел бергә гомер иткән гаилә парын хөрмәтләү үтте. Төбәк башлыгы Рөстәм Хәмитов исеменнән изге теләкләр Мосаллия Харрас кызы һәм Фидәил Фәми улы Кадыйровлар гаиләсенә юлланды.
Шәһәр һәм Яшьләр көнен бәйрәм итү яңа өйләнешүче Мингазиевлар, Гафурҗановлар һәм Иргибаевларның туйлары белән туры килде. Котлаулар кабул итеп, алар сәхнәдә беренче гаилә вальсын биеде.
Арытаба тамашачылар игътибары спортчыларга күчте – яшьләр сәясәте, спорт һәм туризм буенча бүлек башлыгы Илдар Хисмәтуллин аларга ГТО билгеләре тапшырды. Бу көнне сәхнәгә күтәрелүчеләрнең байтак булуын билгеләргә кирәк, барысын да исәпләп бетерерлек түгел, әмма барысы да лаеклы бүләк, тәбрикләү алды. Бәйрәмнең төп иганәчесе – «ГеоСтрой» ширкәте җитәкчесе Рөстәм Хаҗиевка зур рәхмәт сүзләре яңгырады.
Коляскалар конкурсы тамашачыларда зур соклану уятты, алар чын могҗиза тудырган.
Шәһәрнең төп бәйрәм программасын татар һәм башкорт эстрадасы йолдызлары, фейерверк тәмамлады. Әйткәндәй, Гаилә елы һәм Волонтер елында бәйрәм «Алкогольсез шәһәр» акциясе кысаларында үтте