Гаилә йолаларын саклап

Иске Кодаш авылыннан Рәүзилә һәм Алмаз Фәтхуллиннарның йортында Корбан бәйрәме алдыннан җанлы халәт хакимлек иткән: ихаталары тәртипкә китерелгән, пешергәннәр, чистартканнар. Алар гаиләсендә корбан чалу йоласы инде унөченче ел рәттән үткәрелә. Бәйрәм алдыннан аларда булып кайттык.

– Аллаһның илтифатлылыгына ирешергә телисең икән, Корбан бәйрәме – иң дөрес юл, – ди алар. – Корбан чалудан соң Ходайның рәхмәтен тоябыз.

Фәтхуллиннар тануынча, корбан чалу йоласын алар тәүдә гаиләнең иң өлкән әгъзалары исеменнән башкарган, арытаба – үзләре һәм өч уллары, онык-

лары исеменнән.

– Оныклар өчәү, быел корбанга әзерләнгән бәрән иң кечесе – яшь ярымлык Илданнан тәгаенләнгән, – дип сөйли Рәүзилә Рәсим кызы. – Барлык туганнар, якыннар, күршеләр, авылның өлкән кешеләрен ит һәм шулпа белән сыйлаячакбыз.

Гаилә башлыгының әти-әнисе – Зифил Фәтхул улы һәм Альбина Галимулла кызы – Фәтхуллиннарның яхшы остазлары булуын билгеләргә кирәк, алар бергә яши, диндар кешеләр, бик күп еллар ислам кануннарын үти.

Мөселман булу өчен, ислам кушканны гына башкару түгел, ә тәртипле, изге, ярдәмчел һәм үрнәкле гаилә булырга кирәклеген Фәтхуллиннар иске кодашлыларга үз үрнәген-

дә күрсәтә.

Алмаз Фәтхуллин, район фермер хуҗалыкларының иң тәҗрибәле җитәкчесе буларак, авыллыларга барлык башлангычларда ярдәм итә. Урып-җыюның кызу чорында шушы көннәрдә өч улы да әтисе янәшәсендә эшли. Гаилә йолаларын сакларга һәм, әлбәттә, балалары, оныкларына тапшырырга кирәклеген һәммәсе

дә белә.