Икенче яшьлек бәйрәме

Кичә, 1 октябрьдә, тоташ ил буенча тәҗрибә, тормыш чыдамлылыгы туплаган, җиңеллек һәм кызганусыз «Елларым – байлыгым» диюче өлкәннәр котлаулар кабул итте.

Районда ел саен Халыкара өлкәннәр көне алдыннан үткәрелүче өлкән буын кешеләренең иҗат-фестивале конкурсы исеме, югарыда әйтелгәнчә, тиңдәшле-оптимистик яңгырый. Әлеге фестиваль сафында 300гә якын үзешчән сәнгатьтә катнашучыны, авыллар һәм шәһәрдән декоратив-кулланма иҗат һәм халык һөнәрләре осталарын берләштерде. Конкурска йомгак кичә, мәдәни-ял үзәгендә, «Чын күңелдән баш иеп һәм сөю белән» тантаналы чара барышында ясалды. Залда утыручыларны район хакимияте башлыгы Илшат Вәзигатов һәм ветераннар советы рәисе Рима Фазылова тәбрикләде. Гаилә тормышының 50 һәм 60 еллыгын билгеләүче Лиза һәм Фидус Атнабаевлар, Фәһимә белән Бәхтигәрәй Батыровлар, Фидусия һәм Хәмит Бәдртдиновлар, Флүзә белән Рәшит Хафизовлар, Зәкия һәм Галимхан Габсаликовлар, Зилия белән Харис Мисбаховлар, Флүзә һәм Борис Шакировлар үзгә тәбрикләүләргә лаек булды. «Елларым – байлыгым» район смотр-фестивалендә катнашучылар гаиләгә сакчыл мөнәсәбәткә багышланган иҗади чыгышлар әзерләгән. Иң яхшы коллективлар «Еллар иҗатка комачау түгел», «Гаилә – илһам чыганагы» номинацияләрендә, шулай ук фестиваль лауреаты дипломнары белән билгеләнде. Иске Кодаш авыл мәдәният йортының «Энҗеләр» фольклор коллективы (сәнгать җитәкчесе Фирүсә Дускаева) фестивальнең гран-при иясе булды.