Барлык яңалыклар
Җәмгыять
25 октябрь 2018, 14:24

лирик күңелле физик ханым

22 октябрь – Халыкара мәктәп китапханәләре көне

Бер кеше «физик» та, «лирик» та буламы. Еш түгел, ләкин очрый. Беренче уйга, әлбәттә, Михаил Ломоносов килә. Ул физик та, химик та, шагыйрь һәм алай гына да түгел. Композитор Александр Бородин химия профессоры булган һ.б. Безнең тормышта та моңа мисаллар табарга мөмкин.
Безнең герой Елена Шәйсламова (сүз уңае, Орловка авылында туган, балачак һәм яшьлек еллары Бөре шәһәрендә узган), үзен белгәннән алып, һәрвакыт китап яраткан. Мәктәп елларында зур сәхнәдән Эдуард Асадов шигырьләрен укыган. Иншаларны яхшы язган. Конкурсларга йөргән. Гомумән, кызның филолог булу өчен таланты булган.
– Ике туган апалар Бөре Дәүләт педагогия институтының чит телләр һәм химия, биология факультетларында укыды. Безнең гаиләдә физик һәм математиклар җитми дип карар иттем, – дип елмая ул. – Институтта канәгатьлек белән укыдым. Һәм менә инде утыз икенче ел Каймашабаш авылы мәктәбендә балаларга математика, физика, күптән түгел мәлдән технологиягә дә укытам.
Шуңа өстәп, Елена Александровна мәктәп китапханәсе белән идарә итә. Үзе әйтүенчә, бу аның юанычы.
– Безнең китапханәдә нигездә дәреслекләр, ләкин сәнгать әдәбияты да бар. Берничә ел элек фонд рус һәм башкорт язучылары китаплары белән яңарды, моңа кадәр балалар әдәбияты сериясе кайткан иде, – дип сөйли ул.
Елена Александровна авыл китапханәсе белән тыгыз хезмәттәшлек итә, кайчакта укучыларын чираттагы әсәр артыннан анда җибәрә. Район мәктәп китапханәчеләре белән шулай ук бәйләнештә – тәҗрибә белән генә уртаклашып калмыйлар, дәреслекләр белән дә алышалар.
Мәктәп укучыларын удмурт теле дәреслекләре белән тәэмин ителгәнлек ничек, дип кызыксындым.
– Аларны республиканың Мәгариф министрлыгы аша алабыз. Дәреслекләр җитәрлек, – дип аңлата ул. – Балалар өчен яңа башкорт басмалары да бар. Ә менә энциклопедия һәм сүзлекләр азрак. Китапханәдә һәрвакыт кеше күп. Монда балаларны тематик дәресләр көтә, вакытлы матбугат укыйлар (сүз уңае, гәзит һәм журналларны укытучылар алып килә), Елена Александровна оештырган чараларда катнашалар.