Барлык яңалыклар
Җәмгыять
22 гыйнвар 2019, 09:03

Һәрчак ярдәмгә ашыга

«Без фельдшердан бик уңдык», – ди яңа алдарлылар

«Безнең Раушания» – диләр фельдшерны Яңа Алдар авылы халкы. Раушания Әхәтова Бөре медицина училищесын тәмамлаганнан соң юллама буенча авылга эшкә килгән. Ул тумышы белән Балтач районыннан. Биредә кияүгә чыккан. Ире Ринат белән ул һәм кыз тәрбияләгәннәр, хәзер инде аларның биш оныгы бар.
«Бу кечкенә авылны һәм кешеләрен яраттым. Алар миңа туган кебекләр. Монда минем тормыш», – ди Раушания Зәви кызы.
Героем бик аз сүзле һәм тыйнак булып чыкты, бер сүз белән әйткәндә, сүзне тартып алып та булмый торганнардан.
Яңа Алдар авылы халкына рәхмәт, алар шатланып ярдәмгә килде.
«Мин аның яшь чагын хәтерлим: безгә өченче улымны тудырган елда килде. Ә малаема хәзер 36 яшь, – дип сөйли Илүзә Хатмуллина. – Фельдшерның беркайчан да усал чырайлы чагын күрмәдем, кешеләргә һәрвакыт ачык. Без өлкән кешеләр, өйгә чакырырга да мәҗбүр булабыз. Төн булса да, буранда да – килә дә җитә».
«Һәркемгә бик игътибарлы. Ә Раушанияның елмайганын күрсәгез! Безгә фельдшер белән бик уңай туры килде, ул һөнәрман, – дип Зәбидә Кичигина. – Ул берәү генә, аңа һәм гаиләсенә сәламәтлек телим».
Раушания Әхәтова сүзләре буенча, эше аның өчен шатлык кына китерә. Медицина хезмәткәре һөнәре турында балачактан хыялланган. Еш авырган. Ак халатлы кешеләр укол куйганда, һич кенә дә курыкмаган, еламаган. Һәм алар һәрвакыт изге һәм мөлаем булган. Һәрчак аларга охшарга тырышкан.
Авыл фельдшерының буш вакыты аз. Өстәвенә, ире вахта ысулы белән эшли. Хуҗалыкта мәшәкать күп. Мал-туар асрыйлар, җәй көне ихата тулы кош-корт. Раушания Зәви кызы ашарга пешерергә, чәчәкләр үстерергә ярата. Китап укырга да вакыт таба. Тануынча, «районка»ны укырга ярата. «Яңавыл таңнары»ннан башка үземне күз алдына да китерә алмыйм. Гәзитсез тормыштан төшеп калырга була», – ди ул. Сүз уңае, ел ахырында Р. Әхәтовага уңыш елмайган – гәзиткә язылучылар арасында приз откан.
Спорт өчен вакытыгыз каламы дигән сорауга, елмаеп: «Белсәгез иде көненә күпме атлаганны...», – ди. Әлегә хәрәкәт җитәрлек. Чаңгыда шуарга хыялланам. Монысы инде лаеклы ялга чыккач».