Барлык яңалыклар
Җәмгыять
11 март 2019, 16:41

Ике бәйрәм – бер көнне

Фәния Яһүдина: «Гомерем үкенерлек түгел»

Айбүләк авылыннан Фәния Яһүдина 8 Март бәйрәмендә һәрвакыт ике вакыйга билгели – Халыкара хатын-кызлар һәм туган көнен. Ә бүгенге бәйрәме тагын да чагурак, чөнки юбилейлы – Фәния Гарифулла кызына 80 яшь.
– Озын гомер бүләк итүе һәм үткән елларны үкенүсез искә алуым өчен язмышыма рәхмәтлемен, – ди тыйнак кына безнең котлауларга юбиляр. – Балаларның яхшы кеше булып үсүенә күңелем тыныч.
Фәния Гарифулла кызының гомере, уч төбендәге кебек, авылдашларының күз алдында үткән. Ул сугышка кадәр елларда күп балалы гаиләдә тугызынчы сабый. Сугыштан соңгы чор турында: «Бик авыр иде. Ләкин миңа гына катлаулы булмады, тоташ дөнья белән ачлык та, югалтулар да кичердек», – ди. Мәктәп эскәмиясеннән үк колхозда эшләгән. Сезонлы хезмәттән башлаган, ә укуны тәмамлаганнан соң фермага барган. Беренче ире белән нибары өч ел гомер иткәннәр, өлкән кызлары Илмира 1964 елда туган. Берникадәр вакыттан яшь ханым, хатыны вафатыннан соң ялгызы ике бала үстергән авылдашы Әнүснең тәкъдимен кабул иткән. Җиде яшьлек Резеда һәм биш яшьлек Алмаз аны үз әнисе кебек кабул итә, Фәния апа да аларга «балаларым» дип дәшә. Әнүс Гыйльмулла улы хатынының 80 яшьлек юбилеен күрә алмаган – ике ел элек бакыйлыкка күчкән. Аны Фәния Гарифулла кызы бик җылы искә ала.
– Сөекле әниебезнең тормыш кагыйдәсе бик гади, – ди кызлары Илмира һәм Резеда. – Аның девизы: «Без эшләми, кем эшләсен?». Ул колхозда җиң сызганып һәр эшкә тотынды, бернинди авырлыклардан курыкмады. Ал-ял белмәде, беркайчан да отпуск алмады. «Колхозның чөгендер басуы» яки «бәрәңге чыгару» кебек эшләрендә аның белән бергә без дә катнаштык. Әни үз үрнәгендә хезмәткә өйрәтте, ялкауларга тормышта авыр туры киләчәген балачактан белдек.
Фәния Гарифулла кызы һәр яңа көнгә, якын кешеләреннән яхшы хәбәргә шатлана. Өлкән яшьтә булуына карамастан, йорт мәшәкатьләреннән канәгатьлек таба: кыш сукмак көрәп куя, тавыкларына җим сала, ә җәй бакчада югала. Иркен, якты йортында биш оныгы һәм дүрт туруны еш кунак.