Басаев һәм Шатунов, тарих турында...

Икенче августта Һава-десант гаскәрләре көне билгеләнә, шул уңайдан илдә (безнең шәһәр дә искәрмә түгел) төрле чаралар үтәчәк. Наил Закиров, Әгъзам Гыйльванов, Рөстәм Арсланов, Илшат Чанышев, Рөстәм Абулгазин йөзендә башлап йөрүче төркем ярдәмендә Яңавылның мәдәният һәм ял паркында янә концерт уза.

Билгеле булуынча, армиядә сирәк сугышчыларның гына кушаматы юк, мисалга, рөстәм Абулгазинны Абу дип йөрткәннәр. Ул Ставрополь шәһәрендә 21нче аерым һава-десант бригадасында хезмәт иткән. Бирегә 1995 елда разведка мәктәбеннән соң эләккән, ягъни инде сержант чагында. Аларның рота бүлекчәсендә рядовойлар бөтенләй булмаган. Ә бу разведка эшләре, укулар, "марш-бросоклар" һ.б., калганнарга караганда, күпкә катгыйрак шартларда үтүе турында сөйли. "Марш-бросоклар" шулай ук төрле булган, 25 тә, 10 км да үтәргә туры килгән, әйткәндәй, көндәлек 6 км. лы маршрут популяр җырчы Андрей Разинның өенә барып тоташкан. Яңавыллыга аның белән очрашырга туры килмәгән, ә менә Юрий Шатунов, Линда, Профессор Лебединский һ.б. саклаган. Ләкин боларның барысы, Рөстәм Гайнулла улы әйтүенчә, чәчкәләре генә. Хәрби борчулар, төнлә һәм суга парашют белән сикерүләр, Буденновскка очулар, Минеральные Воды аэропортын Шамил Басаевның бандит төркемнәреннән саклау һ.б. аның хәтерендә ныграк сакланган. Элекке взвод командиры урынбасары безгә бөтен нәрсәне сөйләмәде – хәрби билетында серлелек турында тиңдәшле билге бар. Армиядә алган күнекмәләрнең аңа биредә бик ярдәм итүен әйтте. Төрле коралдан күп атышканнар – хәзер сунарчылык аның төп мавыгуы. Өстәвенә, ул һөнәри сунарчы, сирәк очрый торган токымлы этләр тота. Тагын барлык төр карталарны укый белә. Әйткәндәй, аның безнең җирләрнең 1811 елдагы картасы бар, аны тагын бер мавыгуы ярдәмендә тапкан һәм аны биредә куллана – безнең якларның борынгы тарихы белән кызыксына, юкка чыккан авыллар урыннарында төрле борынгылык әйберләрен эзли.

– Моның өчен нигездә тимер эзләгеч кулланам, – ди ул. – Мөгаен, гражданнар сугышы заманнарыннан кылыч иң кызыклы табыш булды.

Рөстәм хезмәттәш иптәшләре белән даими элемтәдә, аларны ышанычлы тылларның берсе дип исәпли, ә гаиләсе – хатыны Елизавета Анатольевна, 9нчы сыйныфта укучы Тимур һәм студент кызы Зилә, әлбәттә, иң ышанычлысы.