Бүген тоташ дөньяда мөселманнар өчен изге Корбан гаете билгеләнә

Рәмзил Низаметдинов һәм Илшат Вәзигатов мөселманнарны бәйрәм белән тәбрикләде.

Бүген тоташ дөньяда мөселманнар өчен изге Корбан гаете билгеләнә. Бәйрәм уңаеннан тантаналар Яңавыл районының барлык мәчетләрендә үтте. Башкортстан Республикасы Дәүләт җыелышы – Корылтай депутаты Рәмзил Низаметдинов һәм Яңавыл районы хакимияте башлыгы Илшат Вәзигатов шәһәрдә – “Ислам” һәм “Иман”, шулай ук Истәк авылында мәчетләргә барды. Рәмзил Рәвил улы һәм Илшат Әгъзам улы барлык җыелучыларны изге бәйрәм белән тәбрикләде, тынычлык, иминлек һәм уңышлар теләде.