Булат Закиров: "ТВ-әкиятләр", очраксызлык һәм гаилә турында

Агымдагы елның 1 октябрендә җәмәгать тәртибен саклау буенча полиция башлыгы урынбасары итеп Булат Закиров билгеләнгән. Моңа кадәр ярыйсы вакыт дәвамында ул җинаятьләрне тикшерү бүлекчәсен җитәкләгән. Бүген ул – безнең әңгәмәдәшче.

– Булат Рәшитович, оператив эш, мөгаен, кимегәндер, ә менә юнәлеш эше...

– ... Артты. Полициянең участок уполномоченныйлары бүлекчәсе, патруль-пост, вакытлыча тоту изоляторы, ЮХХДИ, административ закончалыкны башкару буенча төркем, миграция мәсьәләләре буенча бүлекчәләр эшчәнлеген координациялим.

Ә оператив эшкә килгәндә, монда сез хаклы. Җинаятьләрне тикшерүдә сигез ел эшләдем, аның биш елын – бүлекчә башлыгы вазыйфасында.

– Бу хезмәтнең барлык диярлек нечкәлекләре "хезмәт кулланылышы өчен" грифы астында булуы аңлашыла. Бу еллар турында тоташ сөйләгәндә, иң мөһиме нәрсәгә ирешеп булды?

– Ачыклауны арттырдык, элек эшли алмаган иске җинаятьләрне ачыкладык. Барлык категория берәмлекләрне эзләү буенча хәл яхшырды.

– Хезмәт бурычы буенча аралашырга туры килгән берәмлекләр "контингенты" ачыктан-ачык. Ә заман яшьләре белән уртак телне җиңел табасызмы?

– Җиңел. Мин белгечлегем буенча педагог. "Информатика" өстәмә белгечлеге белән "Физика" белгечлеге буенча Бөре педагогик институтын тәмамладым. Шулай булгач, мәктәпләргә дә йөрим, үсеп килүче буын алдында чыгыш ясыйм.

– Органнарга очраклы гына килдегез булып чыгамы?

– Юк, очраклы гына түгел. Әле Бөредә үк студентлык хәвефсезлеге хезмәте башлыгы булдым (ул вакытта анда бар иде). Вузны тәмамлагач, мине армиягә кичектергесез хезмәткә юлласыннар дип, хәрби комиссариатка хат җибәрдем. Ул вакытта педагогик кадрлар белән бик үк яхшы түгел иде, шулай булгач, армиягә алсыннан өчен өстәмә тырышлык кирәк булды (елмая).

Хезмәт итеп кайттым, арытаба МВД системасына килдем. Тәүдә – участковый, арытаба дежур частьнең башлык ярдәмчесе булып эшләдем. Арытаба җинаятьләрне тикшерүгә килдем.

Ә үткән ел ахырында Төньяк-Кавказ төбәгендә командировкада булдым, "Хәрби хәрәкәтләрдә катнашучы" күкрәккә тагыла торган билгем бар.

– Хәзер полиция турында фильм һәм сериаллар байтак. Кызыклы тоелмыймы?

– Тоела. Нинди генә әкиятләр күрсәтмиләр. Ә җитдирәк эшләрдән "Место встречи изменить нельзя" фильмын билгеләр идем.

– Нинди китаплар укыйсыз? РФ ҖКсы исәпкә керми.

– Фантастика һәм фэнтезига өстенлек бирәм. Тарихи китаплар да укыйм.

– Чын ир-егеткә нинди сыйфатлар мөһим?

– (паузадан соң). Гаилә кору, аны тәэмин итү, гаилә өчен проблемалар булдырмау.

– Гаиләгез турында сөйләгез әле.

– Яраткан хатыным Светлана белән институтта таныштык, ул шул ук факультетта укый иде, хәзер 4 санлы мәктәптә укыта. Кызыбыз Диана һәм улыбыз Айварны тәрбиялибез. Диана сәнгать мәктәбендә шөгыльләнә, Айвар беренче сыйныфка барды, бераз үскәч, нинди дә булса көрәш үзләштерергә барыр, дип уйлыйм.

– Сезнең хобби?

– Әлегә барлык көч һәм буш вакыт йорт төзелешенә китә. Әйткәндәй, бу эштә дәүләт тә ярдәм итә.

– Нинди дәвердә туарга һәм яшәргә теләр идегез?

– (паузадан соң). Һәр дәвернең үз авырлыклары бар. Үз вакытымда туганмын һәм яшимен, дип уйлыйм.

– Хаклы ялга чыкканчы бик үк күп калмады. Планнарда – шәп итеп ял итү, мич башында яту?

– Киресенчә! Дөнья тирәли йөрисе, кайда һәм ничек булуын карасы килә. БДБ илләре – Үзбәкстан, Казахстаннан... башларга планлаштырам.