Барлык яңалыклар
Җәмгыять
24 ноябрь 2019, 11:25

Спортчы, активист һәм әни

Әнисә Хөсәенова бөтен нәрсәгә өлгерә: бала тәрбияләүдә дә, эштә дә

– Позитив, спорт белән шөгыльләнә, акыллы, безне бөтен нәрсәдә яклый – 6нчы сыйныфта укучы Аида һәм икенче сыйныф укучысы Диана сөекле әниләре Әнисә хакында шундый җылы сүзләр әйтә. Әнисә Рауил кызы Салават районында туган. Башкорт теле укытучысы дипломы алып, БашДУны тәмамлаган. Уфада сөйгән яры Динарны очраткан һәм 2013 елда гаиләсе белән иренең Ватаны – Яңавылга күчкән. Тәүдә Хөсәеновлар фатирда яши, ә ел ярым элек йорт сатып алалар.
Хөсәеновларның йорты, чыннан да, зур һәм даими карау таләп итә. Гаилә башлыгы хәрби һәм Яңавылга ял көннәрендә генә кайтканга күрә, хуҗалык буенча барлык мәшәкатьләр Әнисә иңнәренә төшә. Йорт эшләрендә кызлары да әнисенә ярдәм итә.
– Яңавыл миңа шундук ошады, тыныч шәһәрләрне яратам, – дип таный Әнисә Хөсәенова. – Әлбәттә, әти-әнине сагынам.
Мөмкинлек туган саен аларга кунакка йөрибез. Әни балачакта бик таләпчән иде, уку һәрвакыт беренче урында булды. Хәзер балаларны шул ук рухта тәрбияләргә тырышам.
Әнисә Хөсәенованың күркәм әни генә түгел, ә эшендә һөнәрман булуын да билгеләү кирәк. Шулай, ике ел элек ул "Ел тәрбиячесе-2017" район конкурсында катнашкан, анда икенче урын яулаган. РФнең Халык мәгарифе һәм фәне хезмәткәрләре профсоюзының Төбәк оешмасы президиумыннан мактау грамотасы, төрле рәхмәт хатлары бар. Ә күптән түгел вакыттан Әнисә Рауил кызы "Яшьлек" ФОКында ГТО администраторы булып эшли.
– Һәрвакыт спорт өлкәсендә эшләргә хыялландым, – дип сөйли Әнисә. – Әти физкультура дәресләренә карата сөю тәрбияләде. Дүрт яшемдә ул чаңгыга бастырды, ә Уфада укыганда БДУның волейбол буенча җыелма командасына кердем.
Әнисә буш вакытында әлегә кадәр спорт: волейбол, чаңгы, йөзү белән шөгыльләнә. Кызлары да әнисеннән калышмый. Алар җиңел атлетика секциясе һәм биюгә йөри. Тоташ гаиләнең спорт казанышлары бар: кызлар ГТО билгесе алуга бөтен нормативларны тапшырган, ә әти кешенең гер спортында уңышлары бар.
– Сөекле әниебезне бәйрәм белән котлыйбыз. Аңа сәламәтлек, һәрчак шундый күңелле булып калуын телибез, – дип теләкләрен белдерде Аналар көненә Аида һәм Диана.