Гөлназ Шәвәлиева: "Юриспруденциядә һәр сорау– бу хәйләле мисал"

Русиядә юристлар һөнәри бәйрәме 2008 елда барлыкка килгән, әмма юриспруденция фән буларак безнең илдә инде Бөек Петр дәвереннән килә. Бу фән чагыштырмача яшь булса да, закон проекты белән бәйле кешеләр, Русиядә бик күп, юрист һөнәре әлеге вакытта иң абруйлылардан берсе.

Менә безнең герой Гөлназ Шәвәлиева да мәктәпне тәмамлаганнан соң нинди белгечлек сайларга озак уйламаган. 2000 елда ул Нефтекама машиналар төзелеше техникумының юриспруденция өлкәсендә дипломлы белгече булган. Ә дүрт елдан соң Удмурт дәүләт университетында югары белем алган. Бу вакыт эчендә Гөлназ шәһәрнең төрле учреждениеләрендә эшләргә өлгергән: салым инспекциясендә дә, район судында да, әмма менә инде ике ел диярлек ул "ЦКОМУ" МАУда юрисконсульт.

Гөлназ Заләф кызы бурычына учреждение эшчәнлегендә законлылыкны тәэмин итү, контрагентлар белән шартнамәләр төзү, шартнамәләрне хокукый күзлектән тикшерү, дәгъва белдерү, хезмәт, гражданнар, салым закончалыгын саклау, шулай ук учреждениенең законлы ихтыяҗларын яклау керә ... Барысын да исәпләп бетереп тә булмый! Бу бит көн дә эшләргә туры килгәннең бер өлеше генә.

Еш кына шәхси сораулар буенча аңа танышлары һәм туганнары мөрәҗәгать итә. Безнең герой берсенә дә баш тартсмаска тырыша, закончалык нечкәлекләрен аңларга ярдәм итә.

– Һөнәрем юридик ярдәм күрсәтә, шулай ук төрле кешеләр белән аралаша алган өчен ошый. Юриспруденциядә һәр сорау – хәйләле мисал, норматив материалларны белергә генә түгел, ә гадәти уйламыйча, киң һәм киләчәккә уйларга кирәк, – ди Гөлназ.

– Очрактан файдаланып, барлык хезмәттәшләрне бәйрәм белән котлыйм, һөнәри һәм шәхси җиңүләр, иң авыр хокукый мәсьәләрне хәл иткәндә бетмәс-төкәнмәс дәрт, ныклы сәламәтлек телим.