“Көненә 16 таблетка эчәм”

Собянин язуынча, вирус йоктыруга шик тугач та (29 февральдә) тәүлек эчендә бу кеше белән аралашкан туганнарын, дусларын, таныш-белешләрен, бер рейс белән очкан пассажирларны ачыклаганнар.

– Коронавирус йоктырган ирнең 6 туганнарын һәм 5 танышын госпитализацияләгәннәр. Аларда вирус симптомнары юк. Пассажирлар арасыннан кискен респиратор вирусны хәтерләткән билгеләр белән 13 кешене дәваханәгә урнаштырганнар. Чир билгеләре булмаган 83 кешене өй шартларында карантинга урнаштырганнар, – дип яза Собянин.

Вирусны йоктырган ир инфекцион авырулар хастаханәсендә ята һәм тиешле дәвалану ала. Чир җиңелчә формада үтә, ди.

Карантинда яткан Юлия исемле яшь кыз дәваханәдәге шартларга зарланып сөйләгән.

Аның сөйләвенчә, анализлар нәтиҗәләре билгеле булганчы ук, табиблар көн саен дарулар бирә башлаганнар.

– Бу арбидолның бер очсызлы аналогы, ниндидер вируска каршы чара. Мин көненә 16 таблетка эчәм, - ди Юлия.