Аварияләр булмасын өчен

"Тепловодоснабжение" ширкәте участогы башлыгы Ильяс Гыйлемшинның ремонт бригадасында дүрт слесарь – Рәзиф Хәйдәров, Илгиз Хәбибрахманов, Сергей Алексеев, Сергей Еловиков эшли. Алар авыл мәктәпләре, балалар бакчалары, мәдәният һәм сәламәтлек саклау объектларының җылылык челтәрләре, шулай ук 15 авылда суүткәргечләрне хезмәтләндерү белән шөгыльләнә.

Бригада белән лицейның Эткенә авылында филиалы казанлыгында эшләгәндә очраштык. Ремонтчыларга урындагы казанлык операторы Алик Гафурҗанов булыша иде.

– Үз эшен биш бармагын кебек беләләр, дип әйтергә мөмкин, – ди бригадасы хакында Ильяс Зияфәт улы. – Барысының да эш тәҗрибәсе зур, егетләр иң катлаулы бурычларны үти ала, дип ышанычлы белдерә алам.

Бригада тоташ район буенча 31 казанлыктан җылы бирү һәм су белән тәэмин итү буенча эш, җиде авыл Советында авыл су үткәрү линияләре өчен җавап бирә. Участок башлыгы безгә аңлатуынча, җидесе ягулык күмерендә эшли, калганнары – газ белән. Ремонт бригадасы аларның өзеклекләрсез эшен тәэмин итә.

– Хәзер, җылылык сезоны тәмамлануын көтмичә торып, җылыту җиһазлары һәм төтен юлларын юдырта һәм чистарта башлау мөмкинлеге бар, – дип аңлата Ильяс Гыйлемшин. – Бу ремонт вакытын күпкә кыскарта. Җылылык сезоны чорында аварияләргә юл куймаска тырышабыз.

– Бригада бердәм, беркем уңайсыз хәлдә калдырмый, эшкә һөнәри карашта, – ди эшчеләре хакында "Тепловодоснабжение" ширкәте башлыгы Илмир Гарипов. – Һәр мизгелдә төрле катлаулылыктагы эшкә чыгарга әзерләр.