Киләчәктә бары тик алга

23 гыйнвардан районның авыл хуҗалыгы предприятиеләрендә гадәти йомгаклау отчет җыелышлары башланды. Беренчеләрдән булып ул «Алексеевский» совхозы ДУСПе һәм «Победа» , шулай ук «Ужара», «ЯНАУЛАГРО» ширкәтләре һәм «Марс» авыл предприятиесендә үтте, бүгенгә «Агро М» һәм «Мирас» ширкәтләрендә хезмәт коллективлары җыелышын үткәрү планлаштырылган.

Иске Кодашта республика МТСы урынында «Алексеевский» совхозы ДУСПенең Яңавыл бүлекчәсе эшли башлау мизгеленә өченче ел. Бу артка борылып карау, тәүдә нәрсә булган һәм хәзер ничек икәнлеген чагыштыру мөмкинлеге барлыгын аңлата. Бүлекчә җитәкчесе Рөстәм Әхмәдиев, ДУСПе директоры Рәмзил Низаметдинов һәм район хакимияте башлыгы Илшат Вәзигатов, чагыштыру өчен узган елларның производство күрсәткечләрен әйтеп, чыгышларында җентекле анализ ясады. Менә аларның кайбере. Тоташ 2016 елда – 1000 тоннага якын, 2017 елда 1300 тонна сөт җитештерелгән. Ашлыкның тулай җыемы беренче елда 2200 тоннага җиткән, ә икенче елда инде 6700 тонна алганнар.

2016 елда һәр эшче авыл хуҗалыгы предприятиесенә 985 мең сум «китергән», үткәнендә – 1 миллион 473 мең сум. 2017 елда үсемлекчелек продукциясендә 28 миллион сум акча «эшләнгән», сөт 30 миллион китергән, рентабельлек 11% тәшкил иткән, ә хуҗалык итүнең беренче елында предприятие зыянга эшләгән. Үткән елда бүлекчәнең чиста кереме 6 миллион сум булган, уртача хезмәт хакы 17900дән 19000 сумга кадәр арткан.

Күренүенчә, саннар үзләре сөйли, алга китеш бар. Әмма бу чик һәм аеруча тынычлану өчен сәбәп түгел. Хуҗалыкта хезмәт механикалаштырылган, башка шартлар да тудырылган (мәсәлән, түләүсез туклану), ә иң мөһиме – биредә тоташ районга иң яхшы ферма. Шуңа күрә аның резервларын максималь кулланырга, малларның баш санын яңартырга кирәк. Әйткәндәй, бу бурыч беренче дәрәҗәдәгеләрнең берсе буларак әйтелде, чөнки хайваннар үзенекен «эшләгән», алардан тиешле нәтиҗәлелек юк. Ел ахырына кадәр биредә шундый 100 сыерны бетереп, көтүгә 150 яңаны кертәчәкләр.

Киләчәккә бурычлар арасында, киптергеч, машина-трактор остаханәсе һәм терлекчелек комплексының икенче корпусы, малларның баш санын 1000гә кадәр җиткерү сораулары яңгырады. Әлбәттә, бу бер көнлек эш түгел, әмма хәзер иң мөһиме – алга китеш бар, һәм биредә алган юнәлештән тайпылырга теләмиләр.