Чәчү, сөрү, урыпҗыю, мал азыгы хәзерләү

Районның авыл хуҗалыгы предприятиеләре басуларында азык хәзерләү, урып-җыю, уҗым культуралары чәчү, туңга сөрү дәвам итә. Бу хакта авыл хуҗалыгы идарәсенең баш агрономы Рәлиф Сәлиманов белән әңгәмәләшәбез.

– Рәлиф Зикафович, алып барылган басу эшләренең беренче планында урып-җыю. Ул нинди хәлдә?

– Уҗым шепкәне чәчкән хуҗалыклар аны җыеп алуны тәмамлады, барысы белән беррәттән арыш суктыруга төште. Хуҗалыклардан дүшәмбе көнне алынган мәгълүматлар буенча, ул 3610 гектар мәйданда җыеп алынган, бу тоташ күләмнең 71%ын тәшкил итә.

– Күптән түгел урыны белән боз да яуды. Ул үсемлекләрнең сөрлегүенә китермәдеме?

– Кызганычка каршы, шундый очраклар булды. Гомум алганда, 1243 гектар мәйданда бөртеклеләргә зыян килде, 450 гектарда якынча 15 000 центнер ашлык юкка чыкты.

– Бу ничектер каплатылачакмы?

– Анык кына әйтү катлаулы, ләкин бу юнәлештә эш

алып барыла.

– Башка төрле кыр эшләре ничек үтә? Сабан культураларын җыярга иртәрәкме?

– Әгәр һава торышы уңай булса, бу атнада башларга мөмкин, дип уйлыйм.

– Киләсе ел уңышы белән эшләр ничек?

– Туңга сөрү әлегә башлангыч стадиядә. «Урада» агрофирмасы», «Ужара», «Агро М» ширкәтләре, «Дружба» АХПКсы, Алмаз Фәтхуллин һәм Әлфир Галимҗановның крестьян-фермер хуҗалыгында чәчү яхшы тизлектә бара.

– Азык хәзерләү буенча нәрсә әйтә аласыз?

– Печән һәм сенажны тулы күләмдә хәзерләдек, хәзер силос салу алып барыла. Әлегә ул 5535 тонна, планнан 15% тәшкил итә.

– Әңгәмәгез өчен рәхмәт.