Барлык яңалыклар
Авыл хуҗалыгы
21 сентябрь 2018, 10:36

Туфракка дәваланырга горчица ярдәм итәр!

Фермер Алмаз Фәтхуллин чәчү әйләнешенә техник культуралар кертә

Алмаз Фәтхуллин хакында «Яңавыл таңнары» берничә тапкыр язды. Элек аның турында алдынгы комбайнчы буларак яздык, чөнки ул берничә ел рәттән районда суктырып алган иген күләме буенча иң яхшы механизаторлар исемлеге башында иде, ә «Урожай» колхозында аңа тиңнәр булмаган. Шуңа күрә ул Салават Юлаев ордены кавалеры булган да. 2005 елдан ул гәзит укучылар алдында башка рольдә – фермер ролендә килеп басты. Өстәвенә, кайчакта районда зур предприятиеләр дә ирешмәгән нәтиҗәләргә ирешүче иң яхшылардан берсе буларак. Мәскәү, әлбәттә, шундук төзелмәгән, бер-бер артлы производство объектлары һәм җиһазлар барлыкка килгән, яңа техника алган, кырчылыкта эшләр җайга салынган.
«Хәзер яхшы басуларда кайчакта гектарыннан 50 центнерга кадәр уңыш алабыз», – ди Алмаз Зифил улы. Шундый уңышның сере нидә, дигән сорауга, сере юк, эш бары тик дөрес агротехника һәм чәчү әйләнешендә, дип җавап бирә.Үткән елдан, әйткәндәй, ул чәчү әйләнешенә горчица кебек югары техник югары югары маржиналь культура керткән.
– Элек рапс эшкәртә идек, – ди улы Азат, белеме буенча агроном, – үткән елда горчица чәчеп карарга булдык. Ул яхшы сидерат икән һәм «кулланылышта» гадирәк, быел аның чәчүлеген 5тән 20 гектарга кадәр арттырдык.
Безгә фермерлар сөйләвенчә, орлыкны Липецк фәнни-тикшеренү институтыннан алганнар. Культура югары уңышлылыгы белән аерылмый, ләкин хаклары «гадәттәге» ашлыкка караганда берничә тапкырга артык, сорала да. Хуҗалар әйтүенчә, «сатып алучылар инде чиратта тора».