«Дружба» АХПКсы: үсешкә йөз тотып

Тулай продукция җитештерү 9,4 млн сумга арткан, минераль ашлама кертүне гектарына 12,8 кг.га үстергәннәр, сөт 613 центнерга күбрәк сатылган, табыш 519 мең сумга җиткән. Бу саннар – «Дружба» АХПКсы эшчәнлегенең агымдагы елның гыйнвар-август айларына төп финанс-производство күрсәткечләре, 2017 елның тиңдәшле чоры белән чагыштыруда бирелгән. Күрсәткечләр исемлеге тулы түгел, ләкин аның һәр саны диярлек плюс белән бара – авыл хуҗалыгы кооперативы елдан-елга үсештә уңай динамика күрсәтә һәм районның ныклы хуҗалыклар исемлегенә кергән. Ә үзгәртеп төзүдән соң «Дружба»да хәлләр торышын авыр дип тасвирларга мөмкин иде. Ныклы хуҗалык статусын алуны хезмәткәрләр 2017 елда АХПК идарәсе рәисе вазыйфасына Рәлиф Шәйдуллинны сайлау белән бәйли.

Урып-җыю мәйданы быел иң зурлардан булган, бөртекле культураларга гына 1530 га мәйдан бирелгән. Гектарыннан 19 ц уңдырышлылык белән 29070 ц ашлык җыеп алынган, ул үткән ел дәрәҗәсенә караганда 459 центнерга күбрәк. Хуҗалыкта хәтерләүләренчә, 2001 елда, «Дружба» колхозы АХПКга әверелгәч, ашлыкның тулай җыемы нибары 7-8 мең гектарга гына җиткән.

«Дружба» АХПКсы – элек булган техниканы саклап кала алган хуҗалык, паркны актив яңарталар. Тәүдә «МТЗ-82» һәм азык җитештерү өчен тагылмалы инвентарь, ә арытаба «Палессе», заманча ашлык җыю комбайннары, йөк машиналары да барлыкка килгән. Атна башында хуҗалыкка «МТЗ-1221» алганнар, азык тараткыч көтелә.

АХПКның отышлырак эшчәнлек секторына – терлекчелектә яңалык бар. Бу шулай ук продукция җитештерүнең артуында чагылмый кала алмаган. Тулай савым тоташ 2007 елда 2173 ц тәшкил иткән, ә агымдагы елның 8 аенда инде 8064 ц сөт җитештерелгән. Әгәр дә 2007 елда савым көтүе 97 сыердан торса, ә малларның гомум баш саны 252 мөгезле эре терлек исәпләнсә, хәзер 592 баш мөгезле эре терлектән, шул исәптән 200 сыердан тора. Һәрберсеннән уртача савым 4032 кг.га җиткән.

– Хуҗалык өчен авыр елларда, теләк булганда, бердәм эшли белгәндә, коллектив нәтиҗәләргә ирешү мөмкинлеген исбатлады, – ди авыл хуҗалыгы предприятиесе җитәкчесе. Арытаба да үсешкә йөз тотачакбыз.