Барлык яңалыклар
Авыл хуҗалыгы
20 декабрь 2018, 13:02

Үз урынын алсын иде

«Победа» ширкәтенә элиталы токымлы үгезләр кайтарганнар

Безнең районда ит җитештерү буенча «Мичуринский» ширкәтенең алдынгылардан булуы барысына да билгеле, сөт җитештерү буенча иң яхшы күрсәткечләр «Победа» ширкәтендә. Соңгы хуҗалык продукциянең бер төренә генә басым ясамаска карар иткән, ит җитештерүгә дә юнәлеш алганнар. Аны бөтенләй җитештермәгәннәр дию дөрес булмас, хуҗалыкның Йөгәмәш бүлекчәсе Салих авылы фермасының ике корпусы инде күптән мөгезле эре терлек симертүгә бүленгән, әмма бер корпус буш торган. Һәм менә күптән түгел аны тутырганнар – «бортларында» 252 үгез белән бер-бер артлы алты фура килеп туктаган. Һәм алар безнең як өчен бик үк гадәти булмаган, ит абердин-ангусс токымлы, аны Новосибирск өлкәсеннән алып кайтканнар. Ә барысы да «Победа»ның Русиянең берничә төбәкләрендә эшләүче Италия фирмасының бүлендек предприятиесе «АгроСакмара» ширкәте белән хезмәттәшлек итә башлау ярдәмендә булган.
Инде әйтелгәнчә, маллар Новосибирск өлкәсеннән, «Победа» ширкәтенең Йөгәмәш бүлекчәсе директоры Эмиль Имамов сөйләвенчә, аларны Оренбургка ит комбинатына җибәрәчәкләр. Һичшиксез, иң югары, 1200 кг үлчәмгә кадәр һәм итнең сугым авырлыгы 60тан 70 %ка кадәр белән озатылырга тиеш.
– Моның өчен безгә бәйле нәрсәне эшләячәкбез, «Новосибирск-Яңавыл-Оренбург» ит конвейерында безнең нокта да үз урынын алсын өчен тырышачакбыз, – ди Салих фермасы мөдире Роберт Хәбибрахманов. – Зур исәп буенча, бездә бөтен нәрсә бар – тирән аслыклы корпус һәм, колга белән түгел, ә кояш һәм җилдән саклау өчен биек киртә белән коймалап алынган иркен утарлар, җаваплы персонал, яхшы азык запасы.
Мал азыгының сыйфатын әлбәттә үзләре дә күзәтә, ләкин Эмиль Имамов сөйләвенчә, тоташ процессны Италия белгечләре төзи, консультация бирә һәм фәнни озата бара.
– Үгезләр талымлы түгел, азыкны бик теләп ашый, – ди ул, – барысы да уңай булыр, – дип уйлыйм.