«Янаул Агро» ширкәте: техник культураларга басым

Узган сишәмбе көнне Эткенә авылында «Янаул Агро» ширкәтенең йомгаклау җыелышы үтте.

Предприятие директоры Салават Гыйндуллин төп доклад белән чыгыш ясады. Сүзләрдән аңлашылуынча, тәҗрибә техник культуралар (киндер, уҗым шепкәне, ак горчица) үстерү финанс күзлектән максатка ярашлырак булуын күрсәтә. Бу, әлбәттә, бөртекле культуралардан баш тартуны аңлатмый, ләкин агымдагы елда горчица үстерүне дәвам итү планлаштырыла, чәчү мәйданы арттырылачак.

Орлык базасы, гомумән алганда, җитәрлек күләмдә салынган, дөрес, хуҗалыкта бөртеклеләр беренче репродукцияле түгел.

Җыелышта күтәрелгән начар мизгелләрдән техника паркының (аеруча комбайннар) искергәнлеге билгеләнде. Әлегә хуҗалык хезмәтчәннәренең «алтын» кулы коткара, аларны бу мәгънәдә нәрсә белән дә булса гаҗәпләндерү авыр.

Төп темалардан берсе – инвестор килү ихтималлыгы. Әлегә ниндидер анык нәрсә турында сөйләргә иртә, Башкортстан Башлыгы хакимияте контролендә торган хәл яз көне ачыкланырга тиеш. Зур финанс чаралары, 2600 баш мөгезле эре терлеккә комплекс төзү планлаштырыла. Хәер, инде югарыда әйтелгәнчә, алдан әйтеп булмый, чөнки инвестицияләрне «Янаул Агро»да инде үткән елда ук көткәннәр, ләкин барып чыкмаган.

Җыелышта башка сораулар да күтәрелде (авыл хуҗалыгы хайваннарын тамгалау, транспортировкалау, дуңгызларның Африка чумасы). Җыелучылар алдында предприятие хезмәткәрләре, шулай ук авыл хуҗалыгы җитештерүчесе белән үзара эш итү, башка көнүзәк социаль мәсьәләләр, демографик хәл (халыкның кимүе соңгы вакытта күпкә азайган), янгын хәвефсезлеге, торак пунктларга электр үткәрүне тәмамлау һ.б. сорауларга тукталган Эткенә авыл биләмәсе башлыгы Рәвит Шәкүров чыгыш ясады. Җыелышны муниципаль район Советы секретаре Вил Нигъмәтҗанов тәмамлады, ул инвестор көтмәскә, ә һәрвакыттагыча эшләргә өндәде. Моннан тыш, хезмәт хакы, гражданнарның муллыгы артуның өстенлек булып торуына игътибар итте.