Барлык яңалыклар
Авыл хуҗалыгы
16 Май 2019, 10:08

«ИТС-Агро». Хәзер Иске Кодаш авылында да

Безнең районга яңа инвестор килде

Элек «Алексеевский» совхозы ДУСПе эшләгән Иске Кодашта авыл хуҗалыгы объектларының яңа милекчесе – «ИТС-Агро» ширкәте барлыкка килде. Аны Ижевск шәһәреннән уңышлы эшкуар, якташыбыз Михаил Попов җитәкли. Менә инде дүртенче ел ул Калтасы районының Братовщина авылында эшли. «Авыл хуҗалыгы идарәсе» МАУ директоры Рөстәм Әлимгаффаров сөйләвенчә, предприятие уңышлы эшли. Ул юктан булдырылган, ләкин хәзер инде искиткеч производство нигезе бар (бу дүрт ашлык склады, ике гараж, ашлык киптерү комплексы, 60 тоннага автоүлчәгеч, гербицидлар һ.б. белән эшләү өчен эремә узелы), заманча Ватан һәм чит ил техникасы гына булган куәтле техника паркы, тиңдәшлечә, шулай ук заманча технологияләр буенча гына эшлиләр.
– Безнең районда тормышка ашырылырга планлаштырылучы проект, шулай ук амбициоз, – ди Рөстәм Рамил улы. Иске Кодаш аерым бүлекчәсенә инде «Джон Дир», «Нью Холланд», «Маниту», «К-742» кебек маркалы төрле техника, заманча чәчкеч һәм тагылма инвентарь сатып алына. Башкарма директор Атлас Гайнетдинов (сүз уңае, безнең республикада туып-үскән) һәм идарә итүче Райнхард Мацулла (Германиядә туып-үскән) сүзләре буенча, быелгы чәчүдә алар 8-9 мең гектар сөренте җирен кулланырга ниятли, ә киләчәккә планнарында 20 мең гектарга кадәр җир үзләштерү.
Инде әйтелгәнчә, техника алу дәвам итә, орлык (элиталы гына), ашлама (катлаулы, комплекслы) кайтару дәвам итә. Авыл хуҗалыгы идарәсе мәгълүматлары буенча, атна башына предприятие тарафыннан 500 тоннага якын орлык һәм 300 тоннадан артык физик авырлыкта ашлама сатып алынган. Бу районда иң югары күрсәткечләр, алардан соң киләсе саннар тиңдәшлечә 10-15 һәм 80-90 чикләрендә тибрәлә.
Шулай ук 195 баш тана кайтарылган, май ахырында малларның чираттагы партиясе көтелә, ә андый партияләр барлыгы дүрт булачак. Шулай итеп, савым көтүен – 2500, ә гомум баш санын – 5000 башка кадәр җиткерү планлаштырыла.
– Инвесторларның планнары күп, без инде үзебезнең яктан районыбыз иминлеге хакына алар тормышка ашсын өчен көчтән килгән барысын да эшләячәкбез, – ди Рөстәм Әлимгаффаров.