Бар якка да уңган ханым

Мәсәгут авылыннан машина белән саву операторы Фәнүзә Рәхмәтуллина, «Марс» авыл хуҗалыгы ширкәте терлекчеләре арасында иң тәҗрибәле белгеч, мөгаен. Иске Алдарда туып-үскән ханым быел югары бүләккә лаек булган – аңа Башкортстан Республикасы Авыл хуҗалыгы министрлыгының Мактау грамотасы тапшырыла.

Аларга барган көнне ирен өйдә очратмадык – Альфред Герман улы хаклы ялда булса да, даими рәвештә нәрсә белән исә мәшгуль. Тәҗрибәле электрчы күп еллар хуҗалыкта эшләгән. Осталыгы һәм тәҗрибәсе әле дә таләп ителә, йортта да, билгеле булуынча, эш җитәрлек.

Рәхмәтуллиннарның дүрт баласы бар. Өлкән уллары Русланга утыз биш яшь, кечесе Илназга – сигез. Тагын Миләүшә һәм Айгиз. Әйткәндәй, соңгысы әтисе эзенән киткән – Нефтекама машиналар төзү колледжында электр монтерына укый.

–Машина белән саву операторы эше хәзер гадиләште, күпкә җиңелрәк, – дип уртаклаша Фәнүзә Фоат кызы. – Бөтен җирдә чисталык, тәртип, фермада сөтүткәргеч тә бар.

Кыскасы, героебыз төп эше (күрүебезчә, өстәвенә, гаять уңышлы!) белән шөгыльләнергә дә, хуҗалык карарга да, балалар үстерергә дә өлгерә. Эшкә теләк булса, беләк чыдар!