Барлык яңалыклар
Авыл хуҗалыгы
9 ноябрь 2019, 16:57

Гыйбадәт кылу һәм изгеләндерү

"Аек авыл – 2019" район конкурсында катнашу кысаларында Игровкада чаралар үтте

Узган пәнҗешәмбе Игровка авылында яшәүчеләр "Аек авыл – 2019" район конкурсында катнашу кысаларында чара үткәрде. Аларга начар һава торышы да комачауламады. Авыл халкының яртысыннан күбесе Зворыгиннарның иркен йортында җыелды. Яңавыл шәһәренең Ивер-Илья чиркәве настоятеле отец Николай һәм район Советы секретаре Вил Нигъмәтҗанов чараның кунаклары булды.
Беренче өлеше түгәрәк өстәл форматында үтте. Зал плакатлар белән бизәлгән иде. Настоятель һәм район хакимияте вәкиленең сәламләү мөрәҗәгатеннән соң җыелучылар каршында фельдшер Фәнисә Абдрафикова, китапханәче Вера Ершова, мәдәни оештыручы Марина Макшакова чыгыш ясады.
Алар эчкече кешенең сәламәтлеге, шулай ук гаилә, җәмгыятьнең тынычлыгына карата мөнәсәбәттә дә алкогольнең зыяны хакында әңгәмә үткәрде. В. Ершова тарафыннан оештырылган викторина халык ышанулары, табышмаклар һәм яшел елан турында мәкальләр буенча байкау ясарга мөмкинлек бирде.
– Игровка халкы – бердәм тату гаилә, – дип билгеләде "Орловка авыл Советы" авыл биләмәсе хакимияте башлыгы Любовь Шәмшурина. – Халык активлыгы ярдәмендә авыл ике ел рәттән урындагы башлангычларны яклау программасы конкурсында җиңде. Авыл, әлбәттә, кечкенә, биредә 80нән аз гына артык кеше яши, әмма йортлар салалар, бәби тудыралар. Район конкурсында катнашу идеясен халык теләп хуплады, чөнки сәламәт тормыш рәвешен актив пропагандалыйлар.
Чараның икенче өлешендә игровкалылылар плакатлар белән авыл үзәге паркында урнаштырылган Поклонный тәресенә кадәр барды. Отец Николай бирегә үзгә бурыч белән килгән – аның янында ул гыйбадәт кылды һәм Тәрене изге су белән изгеләндерде. Авыллылар бу вакыйганы үзе өчен бөек хөрмәт дип атады – изге су белән изгеләндерүдә катнашуга авылның байтак халкы кушылды. Чара Зворыгиннар йортында чәй эчү белән тәмамланды.