Тагын бераз – һәм басуга

16 июльдә республикада "Басулар көне" гадәти семинар-киңәшмәләр башланды. Исәп буенча беренче чара Чишмә районында узды һәм уҗым культураларына багышланды, чөнки аларны беренче чиратта җыя башлыйлар.

Авыл хуҗалыгы предприятиеләре белгечләре сөйләвенчә, районда арыш әлегә балавыз өлгерүчәнлек фазасында, аны ура башлауга санаулы көннәр калган.

Кагыйдә буларак, бездә урак июль уртасында башлана иде, ләкин кышкы-язгы салкыннар сәбәпле культуралар үсеше акрынайды, агрономлар әйтүенчә, һава температурасы 30 градустан югары булганда да алар стресс алган. Ләкин, ничек кенә булмасын, икмәк өлгерә, шуңа күрә барлык хуҗалыкларда ашлык җыю техникасын әзерлиләр.

"Урада" агрофирмасы" ширкәтендә уракка дүрт комбайн җәлеп ителәчәк. Бу 2008 елда чыккан ике "Нива", алты еллык бер "Палессе" һәм тагын бер "Палессе" икенче ел кына эшләячәк. Ашлык ташуга ике "КамАЗ" һәм бер "ГАЗик" җәлеп итәчәкләр.

– Техника ташып өлгермәскә мөмкин, – дип сөйләделәр безгә хуҗалыкта, – шуңа күрә резерв сыйфатында "Т-150" тракторы өчен арба да әзерләдек.

Сүз уңае, хәзер тракторлар барысы да файдаланылмый, азык хәзерләү туктап тора – күпьеллык үләннәрне пеәчнгә һәм сенажга алганнар, механизаторлар берьеллык үләннәр, силоска кукуруз өлгерүен көтә.

Фермаларның малларны кышлатуга әзерлеге тәмамланып килә.

– Кирәк урыннарда идәннәрне алыштырдык, – диде хуҗалык директоры урынбасары Александр Гарифьанов,– транспортер һәм насосларны сүтеп җыйдык, хәзер стеналарны агартабыз.