Барлык яңалыклар
Балачак. Яшьлек
13 июль 2018, 10:36

«Чулпан»да эшлекле уен

Лагерьда «президент» сайлау турында

Бу көннәрдә «Чулпан» балалар сәламәтләндерү лагерында «президент» сайлау, район үзәк китапханәсе каршындагы «Тавыш революциясе» яшь сайлаучы клубы һәм районның территориаль сайлау комиссиясе тарафыннан оештырылган гадәти булмаган уен үтте.
Балалар уенга алдан әзерләнде. Партия булдырды, исемен уйлады, программа төзеде һәм агитацияләү кампаниясе үткәрде. Өч партия күрсәтелде :»Гадел чулпанчылар», «Чулпанчыларның иң яхшы дус партиясе» һәм «Чулпанның пенсия партиясе». Лагерь президенты вазыйфасына шулай ук өч кандидат тәкъдим ителде: Эльвина Гыймаева, Дамир Шаһиев һәм Радэль Абдрәхманов. Аларның һәрберсе сайлаучылар сөюен яуларга һәм тавышның иң күп санын җыярга тырышты. Үз чиратында, аларга яклау төркеме ярдәм итте: алар алдан сайлау календаре белән плакатлар әзерләде һәм лагерь территориясе буенча элде.
Арытаба сайлау башланды, сайлау комиссиясе әгъзалары күзәтүчеләр каршында тавышларны санады. Эшлекле уен өчен 82 бюллетень җитештерелде, сайлауда 73 кеше катнашты. Тавышларны санау буенча 37 тавыш җыйган Эльвина Гыймаева «Чулпан» лагеры «президенты» булды.
Ахырда территориаль сайлау комиссиясе рәисе Римма Гафиятуллина катнашучыларга кыйммәтле бүләк тапшырды, ә калганнарга витамин таратты.
Резеда Кашафуллина,
«Тавыш революциясе» яшь
сайлаучы клубы җитәкчесе.