Барлык яңалыклар
Балачак. Яшьлек
12 октябрь 2018, 09:41

Яңавыллылар күпме агачны коткарган?

Районда экомарафон булды

«Макулатура тапшыр – агачны коткар!» исеме астында «Эшкәртү» Бөтенрусия экомарафоны Яңавыл районында елына икенче тапкыр үткәрелде. Майда ул республикада башланды, ә Яңавыл безгә беренчеләр исәбендә 14, 15енә килеп җитте.
Ә күптән түгел бу акциянең «көзге» этабына старт бирелде.
Сишәмбе, 9 октябрьдә, Уфадан йөк машинасы район үзәк китапханәсе, Р. Гәрәев исемендәге мәктәп, 7 санлы «Кыңгырау чәчәк» һәм 16 санлы «Чишмәкәй» балалар бакчаларында булды. Бу учреждениеләр хезмәткәрләре һәм тәрбияләнүчеләре, гомумән алганда, 2700 кг.га якын макулатура җыйган.
Акция инде беренче ел гына үткәрелми һәм илдә иҗтимагый файдалы хезмәт йолаларын тергезүгә юнәлтелгән. «Юк-бар белән шөгыльләнмә, макулатура җый!» – шушы һәм башка лозунглар астында коры җирнең алтыдан бер өлешендә кешеләр шул макулатураны ярыш режимында (звено, сыйныф, коллектив һ.б. арасында) җыйды. Ярыш принцибы хәзер дә сакланды – теге яки бу муниципаль берәмлектә кирәксез кәгазьне күпме җыю турында sdai-bumagu.com сайтында белергә мөмкин. Шул ук вакытта җыелган макулатура күләме теге яки бу район һәм шәһәрдә халык исәбенә бүленә. Бу чагыштырмача коэффициент буенча калганнардан күбрәк җыйганнар, оештыручылар ышандыруынча, приз белән бүләкләнә.
Акциянең сайтында әйтелүенчә, «бер тонна макулатура 30 кеше өчен кислород бүлек чыгаручы 10 агачны кисүдән саклый, 1000 кВт электр энергиясе һәм 20000 литр тозсыз суны янга калдыра!». Шуңа күрә теләүчеләр акция барышында яңавыллыларның нәтиҗәдә күпме агачны коткаруын исәпли ала (калькуляторсыз булса яхшырак!).