Барлык яңалыклар
Балачак. Яшьлек
27 ноябрь 2018, 10:26

Һәм шул вакытта башта уй туар

Өлкән сыйныф укучыларына ВИЧ һәм СПИД турында

«Җенси бәйләнеш бүген ВИЧ-инфекция һәм СПИД йогуның төп чыганагы булып тора», – дип хәбәр итте Яңавылның өлкән сыйныф укучыларына Русия Сәламәтлек саклау министрлыгының «Стоп ВИЧ/СПИД» Бөтенрусия акциясен үткәрүгә турыдан-туры мөнәсәбәте булганнарның берсе Дмитрий Никифоров. Шәһәрдә бу акция узган пәнҗешәмбе узды.
Нәкъ өлкән сыйныф укучылары төп аудиториягә әверелде. Алар акция кысаларында ВИЧ һәм СПИДка ирекле тестлаштыру үтә алды.
Моннан тыш, укучылар «Оперение/ХАХАЧУ» (Уфа) иҗади үсеш студиясе тарафыннан әзерләнгән «#LIFE» спектакленә шаһит булды. Студияне берничә ел элек РФнең атказанган артисты Константин Хабенский ачкан.
Куелыш сюжеты кыскача түбәндәгечә: яшь кеше хатынына, ачыклануынча, ВИЧ йоккан хатын-кыз белән хыянәт итә. Спектакльнең Яңавылның яшь тамашачыларына ошавын әйтергә кирәк, хәтта «телефонына чумганнарның» саны бик күп булмады. Иң мөһиме – тоташ чараның кисәтү юнәлешенең – нәтиҗәсе булыр, дип ышанырга кала. Һәм кирәкле мизгелдә яшьләрнең башында уй туар, алар үзен сак тотар, бу хакта Д. Никифоров сөйләде.