Серле төймәне тап

Яшь техниклар станциясенең «Яшь уйлап табучы», «Балалар анимациясе студиясе», «Стопкадр» берләшмәсендә гомумәниллегә якын бала шөгыльләнә. Тәҗрибәле педагог Николай Чижов җитәкчелегендәге яшь «кулибиннар», үзләре әйтүенчә, «дөньяны кызыклырак эшләргә» тырыша.

17 гыйнварда билгеләнүче балалар уйлап табулары көненә, Николай Сергеевич үтенече буенча балалар анимациясе студиясеннән егетләр Дамир Шаһиев һәм Артур Гаффанов турында сөйләргә карар иттек. Гимназиядән алтынчы сыйныф укучылары монда инде өченче ел шөгыльләнә. Студия дә шулкадәр үк эшли. Икесе дә компьютер уеннары булдырган. Дамир инде дүртенче сыйныфта ук ««Stick’s adventure» (инглиз теленнән. – «Стик маҗаралары»)» исемле уенын тәүдә район конкурсында, арытаба балалар һәм яшьләрнең уку-тикшеренү проектларының Бөтенрусия олимпиадасының «Созвездие» республика этабында тәкъбирләгән, иң яхшылар унлыгына кергән. Уенның асылы, үзе аңлатуынча, «азатлыкка ирешү өчен явыз башлыкны бәреп төшерү». Шул ук конкурста, ләкин инде агымдагы уку елында, Артур икенче булган. Аның уены «Red ball» дип атала (инглиз теленнән - «Кызыл шар»).

– Аңарда җиңел дә, авыр да дәрәҗәләр бар, – дип, эшенең нечкәлекләренә аңлатма бирә Артур. – Исеменнән күренүенчә, уенның төп «герое» – кызыл шар, ул дәрәҗәләр буенча хәрәкәтләнә ала. Монда серле төймә бар, аны тапсаң, уен тизрәк башлана.

Программалаштыруның мавыктыргыч дөньясы турында алар сәгатьләр буе сөйли ала. Компьютер уенын булдыру, егетләр әйтүенчә, белем һәм осталык таләп итә, аерым алганда, программалаштыру телен өйрәнергә, рәсем төшерә белергә кирәк.

Егетләр бер урында тормый. Дамир тарих сюжеты рәсем аша тапшырылган график новелла жанры белән мавыккан. Хәзер яңа графикларны үзаллы өйрәнә һәм шомарта. Ә Артур легоанимация эшләячәк. Ике-өч минутлык. Шулай булгач, алар турында ишетәчәкбез әле.