Барлык яңалыклар
Балачак. Яшьлек
8 апрель 2019, 09:52

Куркусыз, көчергәнештә һәм көчергәнеш астында

Алмаз Тимергалиев предприятиесен данлаган

«Яңавыл электр челтәрләре» АҖенең электр җиһазларын ремонтлау һәм хезмәтләндерү буенча электр монтеры Алмаз Тимергалиев, безнең гәзит инде хәбәр итүенчә, 2018 елда «Башкортстан осталары» республика һөнәри осталык конкурсында күптән түгел «Иң яхшы электр монтеры» номинациясендә җиңүче дип танылды. Гәзит укучыларны аның белән таныштырырга карар иттек.
Алмазның предприятиегә килгәненә августта җиде ел тула. Бүген биредә аны иң җаваплы эшне ышанып тапшырырга мөмкин булган белемле хезмәткәр буларак беләләр.
Әлегә кадәр Алмаз оператив-күчмә бригадада хезмәт иткән, ә үткән елның октябреннән урам яктырту челтәрләрен техник хезмәтләндерү белән шөгыльләнә. Бу 117 км челтәр һәм 2900 яктылык ноктасы. Бер көн эчендә шәһәрнең кайбер почмакларында төрле адреслар буенча берничә чыгу булырга мөмкин. Урам яктылыгы буенча заявка юкта, бригада составында аварияләрне бетерүгә чыга. Электр монтерының эше, билгеле булуынча, һәрвакыт көчергәнештә һәм көчергәнеш астында. «Бөтен нәрсәгә белеп карасаң, курку юк. Безнең һөнәрдә вак-төяк булмый. Хәвефсезлек техникасы биредә барыннан да өстен», – ди безнең герой. Электр монтеры, аның сүзләре буенча, штаттан тыш хәлләр барлыкка килү очрагында тиз уйланылган карар кабул итәргә әзер булырга тиеш. Бу тулысынча безнең Алмазга да кагыла.
Яшь хезмәткәр төрле конкурсларда катнашырга тырыша. Сүз уңае, үткән елда «Иң яхшы электр монтеры» һөнәри осталык төбәк конкурсында ул икенче урын яулаган, ә быел пьедесталның югары баскычына күтәрелә алган. Болар барысы да күп көч һәм вакыт таләп итә. Ләкин шул ук вакытта үз-үзеңне оештырырга ярдәм итә, эш һәм фикерләрне тәртипкә китерә, әлбәттә инде, һөнәри үстерә, яңа юнәлеш кертә. А. Тимергалиев исәпләвенчә, электр монтеры яңа технологияләргә укыту белән аерылгысыз бәйле... «Гомумән, бер урында тормавыңны тоясың», – ди ул.
Алмазның планнары зур. Мәсәлән, читтән торып югары уку йортына керергә һәм гаилә корырга планлаштыра. Бу егетнең барысы да яхшы булыр, дигән ышаныч бар.