Табигать кочагына чыгу

Билгеле булуынча, Башкортстан мәктәпләре биш көн укуга күчү белән "Тематик шимбәләр" кертелде. Алардан беренчесе 14 сентябрьдә узды – байтак малай һәм кызлар походка юл тотты. Шулай итеп, шимбә спорт билгесе астында үтте.

Мисалга, Шүдик мәктәбе укучыларының табигать кочагына чыгуында вакытка тоткарлыклар үтү иң мөһиме булды, бу хакта педагоглар урындагы мәгариф идарәсенең "ВК"-төркемендә хәбәр итте.

Биредә үк гимназия укытучылары үз тәэссоратлары белән уртаклашты, алар теге яки бу сыйныфларның нәрсә белән шөгыльләүен җентекле сөйләде ("Хәвефсезлек мәктәбе", футбол, пневматик винтовкадан атышу һ.б.).

"Ял көнен ничек уздыру яхшырак?" – 4 санлы мәктәп укытучылары үзләренең мини-репортажында шундый сорау куйган, биредә балалар һәм өлкәннәрнең Эткенә буасына баруы, анда туристлар көнкүреше булдыруы һ.б. хакында сөйләнә.

Ә Сусады-Ябалак авылы мәктәбендә поход алдыннан җылынганнар: "Без сәламәт тормыш рәвеше өчен" акциясендә яхшылап биегәннәр, арытаба урманга юл тотканнар, анда күңел ачып кына калмаганнар, ә шул исәптән дару үләннәре дә эзләгәннәр.

Кыскасы, үткән кояшлы шимбә балалар, укытучылар һәм ата-аналар хәтерендә озак сакланыр.