"Тынычлык, иминлек сагында сез кирәк" конкурсына

Айсылу Гыйльмуллина Яңавыл шәһәренең 14 санлы "Дюймовочка" балалар бакчасының мәктәпкә әзерлек төркеменә йөри. Буш вакытында рәсем төшерергә ярата, ә тагын балалар сәнгать мәктәбенә бию түгәрәгенә бик теләп йөри. Айсылуның әтисе вахта ысулы белән себердә эшли, тиздән кайтып җитәргә тиеш. Ватанны саклаучылар көненә ул әтисенә бүләк әзерләгән дә инде.

"Аны нык-нык сагындым, кайтуын түземсезлек белән көтәм", – ди Айсылу.

23 февральгә багышлап эшләгән рәсем, кул эшләре фотоларын көтеп калабыз сездән, балалар! Активрак булыгыз!