Активист, спортчы һәм гүзәл ханым

Миләүшә Шәяхмәтованың исеме байтак яңавыллыларга билгеле – ул җиңел атлетика һәм аңа якын төрләр буенча ярышларда даими катнашучы, призер һәм җиңүче. Урындагы дәрәҗәдәге ярышларда "Башкоммунэнерго" АҖенең Яңавыл филиалы намусын яклый, биредә ул җылылык челтәрләре контролеры булып эшли, республика ярышларында һәрвакыт район намусы сагында. Спорт "карьерасын" мәктәптә үк башлаган, үзе әйтүенчә, ярышларга бару сәбәпле, бирегә шимбә көнне бөтенләй диярлек йөрмәгән, арытаба УдДУның физкультура һәм спорт институтында укыган. Биредә инде җитдирәк ярышлар булган, ә студентлар арасында Бөтенрусия ГТО этабында Физик культура һәм тормыш тереклеге хәвефсезлеге буенча олимпиаданың Бөтенрусия этабында чыгыш әлеге мизгелдә Миләүшә өчен иң әһәмиятлесе булып тора.

Әйткәндәй, спорт аны "Башкоммунэнерго"га алып килгән дә. Билгеле булуынча, предприятиедә төрле ярышларда актив спорт сөючеләр күп. Талантлы кызны күреп алып, үзлренә спорт командасына да, хезмәт коллективына да чакыралар.

Күптән түгелдән аны Яшьләр сарае тормышына дә җәлеп иткәннәр, районның яшьләр активы белән төрле чаралар оештыралар. Миләүшә "Леди Янаула" конкурсында да катнашты, "Артистлык" номинациясендә билгеләнде.

– Моның никадәр объектив булуын белмим, – ди ул тыйнак кына. – Шулай да... Гитарада унйый беләм.

Үзе тануынча, өенә кунарга гына кайта, көндез – эш, кич – тренажерлар, бассейн, чаңгы трассасы, яшьләр... Әгәр расласалар, районның яшьләр Советы составына керәчәк, моңа өстәп, УдДУның янгын-техносфера хәвефсезлеге факультетында читтән торып укый.

Автор: Игнат Шәйхетдинов