Барлык яңалыклар
Общие статьи
27 ноябрь 2019, 13:20

Айрат Шакиров: "Тормыш көн саен яңа бурычлар куя һәм аларны хәл итәргә кирәк"

Карагыз, кем килгән

Айрат Шакиров сентябрьдә Асаудыбаш авыл Советын җитәкләде. Аның белән әңгәмә бу вазыйфада эшчәнлекнең беренче айлары, проблема һәм планнары турында.
– Айрат Данилович, үзегез турында сөйләгез әле. Моңа кадәр кайда һәм кем булып эшләдегез?
– Яңа Алдар авылында туганмын һәм яшим. "Париж коммунасы" колхозында баш агроном булдым, арытаба фермерлык белән шөгыльләндем, ахыргы елларда шәхси эшкуар булдым. Хатыным Гөлшат Рәшит кызы белән егерме елдан артык бергә. Кызыбыз Элина БДАУның дүртенче курс студенты, улыбыз Артур дүртенче сыйныфта укый.
– Эшчәнлек өлкәсен алыштыру авыр булдымы?
– Җиңел түгел. Моңа өстәп, укытучым Венер Кадыйм улы Мөгаллимов урынына килдем. Ул мәктәп директоры булганда, өлкән сыйныфларда укый идем. Венер Кадыйм улы – авылдашлар арасында ихтирамлы кеше. Өч дистә ел диярлек авыл Советын җитәкләде. Бу еллар эчендә күп нәрсә эшләнде. Безнең барлык торак пунктларга газ үткәрелгән, һәркайда үзәк су тәэминаты. Урамнар яктыртылган.
Юлларга килгәндә исә, карьерга илтүче ике километр озынлыктагы юл участогы сорау тудыра. Аны зур йөк транспорты боза. Ә халыкның биләмә җитәкчесенә буларак беренче мөрәҗәгате сукбай этләр проблемасы белән бәйле булды. Хайваннар чыннан да куркыныч тудыра. Һәм бу проблема бүген акрынлап хәл ителә. Чүплекләр белән ахырына кадәр хәл ителмәгән сораулар бар. Яңа Алдарда хәл итүгә тотындык инде, башка торак пунктларда да эшләячәкбез.
– Авыл биләмәсе башлыгының шәхси вакыты бармы?
– Җитәкче вазыйфасы – халык алдында авыр йөк һәм зур җаваплылык, шуңа күрә ул күп түгел.
Эш көнем нормага салынмаган, бәйрәмнәр һәм ял көннәрендә эшләргә туры килә. Көн саен зур һәм кечкенә яңа бурычлар туа, һәм аларны хәл итәргә кирәк. Депутатлар корпусы, старосталар, халык белән җайга салынган эшкә ышанам. Бергә бөтен нәрсәне булдыра алырбыз.
Сүз уңае, күптән түгел урындагы башлангычларны яклау программасында катнашу буенча җыелыш узды. Бергәләп Яңа Алдарда Бөек Ватан сугышында һәлак булганнарга һәйкәлне ремонтлау карары кабул иттек.