Барлык яңалыклар
Общие статьи
13 февраль 2020, 19:45

Гашыйклар көнендә көлик әле бер

Рәхәтләнеп көлик әле бер

14 февральдә гүзәл зат вәкилләре өч төркемгә бүленә: беренчеләре эчә һәм елый; икенчеләре йомшак уенчыклар һәм чәчәкләр белән фотога төшеп, интернетка куя; ә өченчеләре... хатыннар.
**
Гашыйклар көнендә хисләргә бирелеп китеп, хатыныма хезмәт хакымны тулысынча тоттырдым. Ни дәрәҗәдә ахмаклык кылганымны аның башка айларда җитми калган акчаларны таптыра башлавыннан соң гына аңладым...
**
–Хатыныңа Гашыйклар көненә нәрсә бүләк итәсең?
–Бер ни дә. Ул бит Гаилә көне түгел.
**
14 февральгә сөйгән кызым миңа сыра кружкасы бүләк итте, ә мин аңа – алтын алкалар. Кыргыйларның алтынын ялтырап торган пыялага алдатып алу гадәте әле дә яши, мин сиңа әйтим...
**
14 февраль... 23 февраль... 8 март...
Ә бәлки аларның барысын да бер бәйрәмгә берләштерергәдер: Ватанны саклаучыларга гашыйк хатын-кызлар көне, мәсәлән.
**
Коронавирус эпидемиясе башлану сәбәпле Изге гашыйклар көнен Изге карантин көне дип игълан итәргә!
**
–Сөеклем, Гашыйклар көненә нинди бүләк алуымны теләр идең?
–Елан тиресеннән тегелгән сумка, мәсәлән.
–Бик кыйммәт бит!
–Алайса бер тиен дә чыгармыйча миңа социаль челтәрләрдәге парольләреңне генә әйт.
**
–Җаным, син миңа Гашыйклар көненә нәрсә бүләк итәсең?
–Әгәр берни дә бүләк итмәсәм?
–Алайса 23 февральгә бүләк алмыйсың!
–Чынмы? Аллага шөкер, килештек алайса. Яңа елга бүләк иткән носкиларың бар әле.
Автор : Ибрагимова Эльмира