Артем Мазовның бармак эзләре табылган Артем Мазовның бармак эзләре табылган

Аларны "Речные зори " шифаханәсеннән ерак түгел елга ярына йөзеп килгән кабартмалы матрас клапанында ачыклаганнар. Шул ук вакытта Артемның уллары - алты яшьлек Вячеслав белән сигез яшьлек Ильяның эзләрен тапмаганнар. Бу хакта UFA1.RUга кичә хокук саклау органнарына якын чыганак хәбәр иткән.

- Матрасны тулысынча тикшерделәр. Нәтиҗәдә, балаларның аңа бармак белән дә, йөзләре белән дә кагылмаганлыгы ачыкланды. Артем Мазовның бармак эзләре, матрастагы бер урыннан тыш, башка беркайда да табылмады. Бәлки, Артем Мазов матрасны Караиделгә үзләрен батканнар дип уйласыннар өчен атып бәргәндер. Балалар анда яткан булса эзләре калырга тиеш иде, — дип хәбәр итә басманың әңгәмәдәше.

Ул, шулай ук, хокук саклау органнары югалганнар качарга ихтимал булган төрле версияләрне тикшерә, дип сөйләгән. - Машинаны ул матрас табылган урыннан ерак түгел ташлаган. Аннары башка машинада китәргә, шундагы йортларда качып ята алганнар. Әмма боларның барысын да җентекләп тикшерергә кирәк, — дип нәтиҗә ясый чыганак.

Димәк, Мазовларның исән булуына өмет бар.

Фото: ufa1.ru