АЛАР АВЫЛЛАРДА ДА ТӨЗЕЛӘ

Кырмыскалы районының Кабак авылында Владимир Путинның 2018 елгы май указларына ярашлы булдырылган “Демография” милли проекты кысаларында 50 урынга тәгаенләнгән балалар бакчасы төзелә.

Шушы көннәрдә Шаһиморатов Рафаэль җитәкчелегендәге “Ризалит” җаваплылыгы чикләнгән подряд оешмасы бинаның фасадын тышкы яклап җылыту эшләрен башлады. Эшләрнең шактый өлеше башкарылган, әмма тәмамланмаган әле.

Яңа социаль объект балалар бакчасына булган чиратлар проблемасын хәл итәргә тиеш. Кабакта 3тән алып 7 яшькәчә балалар арасында бу мәсьәлә аеруча кискен тора.