Барлык яңалыклар
Мәдәният һәм сәнгать
25 декабрь 2018, 10:48

Унике. Укытучылар һәм укучылар

Тарихи-туган якны өйрәнү музеенда яңа күргәзмә эшли

Портрет, пейзаж, натюрморт, сюжет композицияләре, шулай ук графика, мозаика... Тарихи-туган якны өйрәнү музеенда «Буяулар симфониясе» күргәзмәсендә тәкъдим ителгән картиналар нинди дә булса бердәм тема белән берләшмәгән. Аны тәкъдим ителгән эшләрнең авторлары – балалар сәнгать мәктәбенең төрле еллардагы чыгарылыш укучылары булуы берләштерә. Экспозицияне оештыру теләге белән рәссам-таштан уеп ясаучы Рамилә Фазлеева янган. Килүчеләр игътибарына унике чыгарылыш укучысының картиналары тәкъдим ителгән. Бу Санкт-Петербургтан Игорь Чеботников, Мәскәүдән Зилә Вафина, Казаннан Гөлнара Ситдыйкова, Светлана Лекандрова, Александра Миңгәрәева, Руслана Тимерова, Ришат Мирза, Эльмира Исхакова, Роман Белов, Нефтекамадан Энҗе Кашапова, Салават Гыйльманшин, Уфадан Ралия Гыйниятуллина.
– Быелгы катнашучыларыбыз нинди нәтиҗәләргә ирешергә мөмкин булуы, аларның киләчәк тормышы ничек булачагын тоярга тиеш, – диде Рамилә Фазлеева. Чыгарылыш укучылары сәнгать мәктәбендә алган осталыклары, кайда гына булмасыннар, шунда кирәк булуын таныды. Алар арасында архитектура һәм интерьер дизайны, стеналарны декоратив бизәү өлкәсендә эшләүчеләр бар, кайберләре илнең югары уку йортларында укуын дәвам итә. Алар арасында туган мәктәбенә кайтып, Яңавылның яшь рәссамнарын тәрбияләүчеләр дә бар... Күргәзмә буыннан-буынга күчә килүчәнлекнең һәм безнең районда сәнгать йолалары үсешенең искиткеч үрнәгенә әверелде. Охшаш чараларның яшь рәссамнарның иҗады өчен яхшы нигез булып хезмәт итүенә ышанасы килә.