Илһам канатларында

25 мартта эшендә белемнән тыш талант, үзенчәлекле фикер йөртү, гүзәллекне тоя белү һәм илһам кирәк булган иҗади һөнәр кешеләре бәйрәмен билгели. Быел районда МКДЦ һәм мәдәният идарәсеннән – 150 хезмәткәр, 18 авыл мәдәният йорты, 33 авыл клубы, район үзәк, балалар модельле һәм 26 авыл китапханәсе, тарихи туган якны өйрәнү музее, сәнгать мәктәбе эшчеләре Мәдәният хезмәткәрләре көнен билгеләячәк.

Соңгы елларда эшчәнлекнең теге яки бу өлкәсендә учреждение, җәмәгатьчелек оешмалары тарафыннан алар белдергән проектны тормышка ашыруга бирелгән төрле максатлы субсидияләрне җәлеп итү өстенлекле юнәлешкә әверелде. Аны район мәдәният учреждениесе ничек үзләштерүе турында идарә башлыгы Ринат Ибраһимов сөйли.

– Грант алуга конкурсларда катнашу, программа һәм проектларны тормышка ашыру – бу, минем карашка, үзең турында белдерергә, учреждениенең абруен күтәрергә, аларның роль һәм әһәмиятен ассызыкларга яхшы ысул. Грант ярдәме арытабангы үсешкә булышлык итә, яңа киләчәккә юл ача, эшнең алдынгы төрләрен кертергә һәм матди-техник базаны яхшыртырга мөмкинлек бирә. Мисалга, 2018 елда В. Васильев исемендәге Йорт-музей «Эрвел Марий» урындагы мари милли-мәдәни автономиясенең (җитәкчесе А. Гайсин) партнерына әверелде, аларның «Путешествие с «Марий мутэр»: наследие Упымарий» проекты РФнең Президент грантлары фонды конкурсында җиңде. Бу башка учреждениеләргә охшарга тырышу өчен үрнәк.

Быел, мисалга, дәүләт телләрен, республика халкы телләрен саклау һәм үстерүгә юнәлтелгән Башкортстан башлыгының проектларга ярдәм итү грантын алуга заявканы мәдәни ял үзәге «Хәят» татар халык театры проекты белән бирде.

Ел саен безнең авыл мәдәният учреждениеләре иң яхшы мәдәният учреждениеләренең акчалата бүләкләү алуга республика конкурсында катнаша. Быел «Иң яхшы мәдәният учреждениесе» исеменә Эткенә һәм Иске Кодаш авыл мәдәният йортлары һәм Шүдик китапханәсе көрәшәчәк. «Иң яхшы мәдәният хезмәткәре» исеменә шулай ук өч кеше дәгъва итәчәк – Максим китапханәсенең баш китапханәчесе Зиларә Гыйльмиярова, Шүдик авыл мәдәният йортының сәнгать җитәкчесе Ангелина Менгафарова һәм Иске Вәрәш авыл мәдәният йортының сәнгать җитәкчесе Радик Нигиев.

Иң яхшы хезмәткәр һәм муниципаль учреждениесенә ярдәм итү грантын бирүгә конкурс шулай ук район хакимияте тарафыннан расланган. Барысы биш номинация. Беренчедән, иң яхшы җитәкчене һәм мәдәният учреждениесен билгеләячәкбез, шулай ук «Һөнәрман», «Киләчәк» номинацияләре (30 яшькә кадәр хезмәткәрләр арасында) булачак. Өлкәдә, ким дигәндә, 20 ел эшләгән мәдәният учреждениесе ветераннары өчен «Терәк һәм абруй» номинациясе бар.

Грант ярдәмен үзләштерүдән тыш, мәдәният учреждениеләре «Чын эшләр» һәм «Кече Ватан мәдәнияте» проектларында актив катнаша. Бу проект матди-техник базаны шактый ныгытты: 4 миллионнан артык суммага мәдәни ял үзәгенә һәм авыл клубларына тавыш, ут җиһазы алынды. «Чын эшләр» проектын тормышка ашыру кысаларында авыл мәдәният учреждениеләренә 690 мең сумлык агымдагы ремонт эшләнде һәм ут җиһазы булдырылды.