Сәнгать дөньясына адымнар

«Төньяк балкышы» – сүзне гадәти аңлауда талантларны карау гына түгел, бу конкурс өлкәннәрнең балалары киләчәгенә ничек каравын раслау да», – «ЯТВиР» директоры Наталья Хәмидуллина район хакимияте башлыгы призларына балалар үзешчән иҗатының «Төньяк балкышы-Северное сияние» VII район телевизион конкурсында тамашачылар тавыш бирүендә җиңүчеләрне бүләкләү вакытында шундый фикер белдерде. Гала-концерт 29 мартта МКДЦда үтте. Һәм сәхнәдә башкарылган һәр номер югарыда әйтелгән сүзләрне раслады. Сайлап алу туры, ә телеэфирдан соң – интернет-тавыш бирү этабын үткән яхшылардан-яхшылар бу кичне, кем әйтмешли, «иң югары ноталарны алды».

Конкурсның яше, катнашучыларыныкы кебек үк, зур түгел – быел ул районда җиденче тапкыр үтә. Конкурсантларның әзерлек дәрәҗәсе оештыручылар, шулай ук тамашачыларны сөендерде.

Быелгы конкурсның иҗади этапларында 3-16 яшьтәге 320 диярлек яшь талант бар иде. Әгәр сайлап алу турына 97 заявка бирелгән булса, телевизион этапта 32 коллектив һәм башкаручы катнашты. Яңавыл телевидениесе эфирында 140 бала таланты турында белдерде.

Илшат Вәзигатов, район хакимияте башлыгы:

– Районны киләчәктә үстерергә сәләтле талантлар булуына тагын бер тапкыр инандым. Бу эшләргә мөмкин һәм кирәк булган балалар. Үткән еллар белән чагыштырганда, конкурсантларның дәрәҗәсе күпкә артты, һәм үсеш – бөтен нәрсәне дөрес эшләү күрсәткече. Дүрт ай дәвамында өч йөздән артык баланың чыгышын күзәткән жюри әгъзаларына рәхмәт. Яшь талантлар үсеше өстендә мәдәният һәм телевидение хезмәткәрләре белән беррәттән эшләүче ата-аналар һәм тәрбиячеләргә эчкерсез рәхмәт сүзләре. Конкурс үзенчәлек һәм популярлыгын тагын күп еллар югалтмасын. Балалар үзешчән сәнгате – сәнгать мәктәбендә җитдирәк үрләрне яулау өчен искиткеч башлангыч.

Гөлназ Ардиева, гран-при иясе:

– Кәүсәрия Шәфыйкова һәм Наил Шәймәрдановның туган якны сагыну турында «Кошлар китә» җырын башкару зур хөрмәт. Ул минем өчен язылган кебек, аның тоташ мәгънәсен тапшыра алдым, дип уйлыйм.

«Төньяк балкышында» дүрт сезон рәттән катнаштым һәм иң югары бүләккә ия булу зур шатлык. Башкаларның да төшенкелеккә бирелмәвен, үз максатына кыю алга баруы, осталыгын шомартуы һәм, әлбәттә инде, сәхнәдән тамашачыларга сөю һәм җылы бүләк итүен телим.

Зөлмир Закиров, 10 яшь, тамашачылар тавыш бирүендә җиңүче, I дәрәҗә лауреат:

– Конкурс өчен «Баек» башкорт җырын сайладым, ул курай һәм баянга кушылып башкарыла. Башкару өчен бу авыр җыр, вокал буенча педагог Халисә Насыйбуллина белән конкурска озак әзерләндек. Лицейның бишенче сыйныфында укыйм һәм музыка дәресе – иң яраткан предметлардан берсе.

Ирина Рәхмәтуллина, 8 санлы «Канәфер чәчәк» балалар бакчасының музыкаль җитәкчесе:

– Тамашачыларның 4 меңгә якын тавышын җыеп, безнең «Каприз» бию коллективы «Коллектив белән башкару» номинациясендә җиңүче булды. Номерны өлкән төркем кызлары башкара, аларга алты яшь. Биюне куйганда бик күп фантазия, байтак матур хәрәкәтләр кулландык. Махсус үзенчәлекле күлмәкләр ззерләдек. Бию кызларга бик ошый.

Анастасия Аллаярова, конкурсның иң яшь катнашучысы – «Очарование» номинациясендә җиңүче өч яшьлек Маргаританың әнисе:

– Шигырь сайладык, аның сюжеты буенча озак әзерләндек, номер өчен махсус костюм тектек. Маргарита сәхнәдән курыкмады, яхшы чыгыш ясады. Конкурста киләсе елда да катнашырбыз, дип ышанам.