Биергә төшәрлек итеп уйнарга

– Музыка белән яшибез, – дип дәртле сәламлиләр безне һәр район чарасында тамашачылар һәрвакыт сокланып сәламләнгән тальянчылар ансамбле активистлары. Виртуоз-тальянчыларның алыштыргысыз составы фольклор яратучыларны менә инде ике дистә ел дәвамында шатландыра. Алар зур булмаган музыка коралын кулларында сакчыл һәм сөю белән тота. Ә аларның шаян аккордларына биергә төшәсе килә.

Репетицияләргә еш җыелалар, аларның сүзләре буенча, коралны кулга озак вакыт алмасаң, осталыкны югалтырга мөмкин.

Тальянчыларның чыгышын халкыбыз ярата һәм шуңа күрә Яңавыл виртуозлары сәнгатьнең бу төрен сакларга тырыша.

– Шунысы начар – хәзерге состав инде ун еллап яңармады, – ди кызгану хисе белән ансамбль җитәкчесе Фәнүс Газизов. – Безгә, ансамбльгә яшь, талантлы егетләр килсә, яхшы булыр иде. Зур теләк белән үзебезнең сафларга алып, шушы сәнгать төренең осталык һәм нечкәлекләренә өйрәтер идек.