Фестиваль-марафонга әверелгән театрлар төне

Республика һәвәскәр театрларның фестиваль-марафоны штандартын тантаналы тапшыру эстафетасы республиканың төньяк чикләренә барып җитте – узган атна ахырында Театр елы символы өч көн Яңавылда “кунак” булды.

Штандартны кабул итү өчен безнең иҗади коллективлар җомга, 20 сентябрьдә, Агыйдел шәһәренә барды. Яңавыл делегациясен әлеге театраль төннең гамәлдәге төп берәмлегенә әверелгән БРның атказанган коллективы, “Хәят” татар халык театры тәкъдим итте. Безнең үзешчән артистлар Агыйдел тамашачысына Наил Гәетбайның “ Аты барның дәрте бар” комедиясен тәкъдим итте. Тамаша тәмамлангач Агыйдел хакимияте башлыгының социаль мәсьәләр буенча урынбасары Илүс Ялашев Яңавыл иҗади төркеме җитәкчесе, мәдәният идарәсе башлыгы Ринат Ибраһимовка Театр елы символын тапшырды.

Театр елы символы килү көне республикада ел саен үткәрелә торган “Театр төне” мәдәни акциясе белән туры килде. Яңавылга ел символы килү хөрмәтенә һәм марафон кысаларында Театрлар төне балалар сәнгать мәктәбендә дә үтте. Ә якшәмбе яңавыллылар үз чиратында Театр елы штандартын Калтасы районына тапшыру уңаеннан тантана оештырды.

Ял көненнән файдаланып, байтак яңавыллылар исем елының әлеге мөһим чарасында катнашучыга әверелә алды. Тамашачылар һәм күрше районнан кунакларны Яңавыл районы хакимиятенең эшләр белән идарә итүчесе Рөстәм Фәтхуллин сәламләде. Тематик ел символы Калтасы районы хакимияте башлыгының социаль мәсьәләләр буенча урынбасары Елена Алексеевага тапшырылды.

Арытаба сәхнә Калтасы районының үзешчән театрына бирелде – кунаклар Яңавыл тамашачысы хөкеменә Ф. Бүләков пьесасы буенча “Выходили бабки замуж" спектаклен алып килгән иде.