Гүзәл һәм Илшат Ялаловлар: "Җиңү түгел, ә лаеклы чыгыш мөһим"

Икенче сыйныфта "5"ле билгеләренә генә укучы Дамирның сыйныф җитәкчесе Яңавылдан Гүзәл һәм Илшат Ялаловларның яшь гаиләсенә "Иң күп китап укучы гаилә – 2019" район конкурсында көчен сынарга тәкъдим иткән. Ялаловлар тәкъдимне кабул иткән. "Башкорт бал кортлары" командасы "квинтет"та чыгыш ясады – Гүзәл, Илшат, уллары Дамир, кызлары Эмилия, дәү әниләре Фәзимә Гали кызы.

– Положение буенча ике тема – Башкортстан һәм Мостай Кәримнең гасырлык юбилеен ачу күзалланды, – дип сөйли Ялаловлар конкурска әзерлек турында. – Визит карточкасында башкорт халык әкиятләренә басым ясадык, кайсы китапны тәкъбирләү турында сорау хәтта тумады да, әлбәттә инде, конкурс алдыннан укыган "Безнең өйнең яме".

Чыгышның сценариен Гүзәл төзегән, әлегә ул яшь ярымлык кызы белән декрет ялында, ә костюм һәм реквизитлар белән балалар модельле китапханәсе хезмәткәрләре ярдәм иткән.

– Хәтта сценарий буенча видеофильм төшерергә булыштылар, – дип елмая Гүзәл. – Гаять эчтәлекле килеп чыкты һәм чыгышка төс бирде. Җиңү турында уйламадык та, безнең өчен иң мөһиме – лаеклы чыгыш ясау булды. Көндәшләр көчле, күп укыган, һәр команда үзенчәлекле иде.

8 яшьлек Дамирның сәхнә таланты алар командасына баллар китергән, дип уйлыйсы килә, ул бик озын текстны бик эчтәлекле сөйләде. Дамир инглиз теле мәктәбендә шөгыльләнә, тхэквондо белән мавыга икән.

Ялаловлар бу аларның халык алдында беренче чыгышы түгеллеген таный. Алар балалар бакчасында ук улларына ярдәмләшкән – ул вакытта чарада барлык дәү әни-әтиләре катнашкан.

Китап куыргап кайчан өлгерәсез, дип кызыксынабыз, чөнки гаилә башлыгы – шәхси эшкуар, бу өлкәдә гаять җитди урын били...

– Йоклар алдыннан зарури кыска булса да өзек укырга тырышабыз, – ди Илшат Рәүф улы. – Белем дәрәҗәсе һәм эрудицияне үстерү өчен иң уңай яшь. Дөрес, быел улыбыз икенче сменада укый һәм өй эшләрен үтәгәннән соң китап укуга вакыт бөтенләй калмый. Астрид Линдгренның "Эмиль из Леннеберги" тарихы аңа бик ошады, "Волшебник Изумрудного города" әкиятен ярата.

Эмилия дә абыйсына карап үсә, бөтен нәрсәдә аны кабатлый. Яшь әти-әни ул да артист булыр, дип күзаллый, җырларга-биергә ярата, диләр.

– Безне фән дә бик мавыктырды, – дип таный яшь әни. – Дамирга мәктәптә тикшерү өчен кызыклы тема бирделәр, "Сила ветра" дип атала. Ахыргы атналарда, башка мәшәкатьләрдән тыш, улым белән җитди китаплар "актарабыз", иҗади эш өчен материал җыябыз.