Нинди кино яратабыз?

Бүген искечә Яңа ел. Узган елга тагын бер караш салып, кино сәнгате өлкәсендә дә бер кызыклы фактка тукталып китми булмый.

Шулай итеп, узган 2019 елда русиялеләр патриотик фильмнарга өстенлек биргән. Иң яхшы кинолар исемлегендә “Т-34”, “Ржев”, “ Движение вверх” фильмнары тора. Иҗтимагый фикер белешү Үзәге нәтиҗәләре шуны раслый.

Ә иң яраткан актерларга килгәндә, Александр Петров, Константин Хабенский, Алиса Фрейндлих, Владимир Машков, Сергей Безруков, Евгений Миронов бу исемлек башында тора.

Сораштыруларда 18 яше тулып узган 1600 респондент катнашкан.