Урындагы үзидарә

Совет структурасы хакында

Муниципаль районның дүртенче чакырылыш Советы гамәлдәге составта 2016 елның сентябрендә беренче утырышта 16 депутаттан булдырылды. Бүгенгә депутатлык корпусында 36 555 сайлаучы ихтяҗын күрсәтүче 14 мандат алыштырылды. Ике депутат – Ришат Хәкимов һәм Андрей Беспалов – үткән ел ахырында яшәү урыннарын алыштыру сәбәпле вәкаләтен бушатты.

Агымдагы ел – быелгы чакырылыш депутатлары эшчәнлеге өчен соң соңгысы. Депутатларны чираттагы сайлау сентябрьдә Бердәм тавыш бирү көнендә узачак.

Утырышлар турында

Отчет чорында 13 утырыш үткәрелде, 111 сорау каралды, алардан 68 процент карар норматив-хокукый.

Советның норматив-хокукый акт проектлары гамәлдәге закончалыкка туры килү предметына хокукый экспертиза үтте. Прокуратураның кергән кисәтүләре утырышка әзерлек стадиясендә бетерелде, бу Советның кабул иткән карарларына прокурор җавабына актлар чыгаруны булдырмаска мөмкинлек бирә. Узган елга кабул иткән карарларга без бер генә протест алмадык.

Отчет елында депутатларның утырышларга килүе – 82, 4 % ( 2017 елда – 84 %, 2018 елда – 81, 2 %) тәшкил итте.

Кабул иткән карарлар хакында

Район бюджетын раслау һәм аны үтәү турында отчет депутатлар тарафыннан каралучы төп сораулар. 2019 елга район бюджетына 11 тапкыр төзәтмәләр кертелгән. Аңа кертелгән үзгәрешләр салым һәм салым булмаган керемнәр керү, югарыда торган бюджеттан түләүсез керемнәр, тапшырылган вәкаләтләр буенча бюджетара күләмнәрне төзәтүләр, шулай ук социаль сорауларны хәл итү мөһимлегенә бәйле.

Һәр Совет утырышында диярлек милек белән эш итү сораулары күтәрелде: отчет елында алар 13 иде. Урындагы билгеләнештәге сорауларны хәл итү буенча вәкаләтләрнең өлешен тапшыру турында 37 килешү , төрле эшчәнлек юнәлеше буенча алты яңа положение расланды .

Тикшерелүче сораулар структурасында муниципаль учреждение җитәкчеләрен, район хакимиятенең вазыйфалы берәмлекләрен тыңлау әһәмиятле мәгънәгә ия.16 мәгълүмат, отчет, шул исәптән өч муниципаль программаны тормышка ашыру, авыл хуҗалыгы үсеше турында өч мәсьәлә турында нәтиҗә кәрсәтелде. Сигез җәмәгать тыңлаулары үткәрелде.

Депутатлык сәгате турында

2019 елда депутатлык сәгатен үткәрү практикасы дәвам итте. Бу эш форматы проблемалы сорауларны тикшерү һәм бергәләп аларны хәл итү юлларын эзләү өчен мөһим. Мартта – мәктәп туклануын оештыру сораулары, ноябрьдә – районның авыл хуҗалыгы тармагының көнүзәк проблемалары буенча депутатлык сәгате узды.

Сайлау округларында эш хакында

Советта депутатлар эшчәнлеге кыры киң. Сайлаучылар депутатларының эшен Совет утырышында катнашу буенча түгел, ә сайлау округында эш буенча бәяли.

"Ачык республика" проектыныд "Депутатлар" порталында актив эшләрен һәм социаль челтәрләрдә үз битләрендә көнүзәк яңалыкларны, чаралардан басма һәм фотоларны оператив куючы Илнур Гәрәев, Гүзәл Ряанова, Алия Мирсаяпованы билгелим.

Шулай ук Эльвира Сафина, Илгиз Муллакаев, Светлана Чернейкина, Алмаз Фәйзуллин һәм Александр Гайсинның депутатлык эшчәнлеген уңай планда билгеләргә мөмкин. Мисалга, җаваплы депутатлар – "Бердәм Русия" фракциясе әгъзалары шәһәр биләмәсе Советы депутатлары белән бергә ел дәвамында район территориясендә "Торак һәм шәһәр мохите", "Сәламәтлек саклау", "Мәгариф", "Мәдәният", "Хәвефсез һәм сыйфатлы машина юллары" милли проектларын тормышка ашыруны контроль тотты. Төп эшчәнлеген җәмәгатьчелек йөкләнеше белән уңышлы берләштерүче һәм авыл биләмәләренә һәм гражданнарга аларның проблемаларын хәл итүдә булдыра алганча ярдәм күрсәтүче хезмәттәшләргә рәхмәт белдерәм.

Гражданнар мөрәҗәгатьләре белән эш хакында

Һәр депутат эшчәнлегенең мөһим юнәлеше – гражданнар мөрәҗәгате белән эш. Расланган графикка ярашлы, гражданнарны кабул итү айның соңгы атнасында алып барыла.

Отчет елында депутатлар тарафыннан күрсәтелгән мәгълүмат буенча халыктан сайланучыларга төрле сораулар белән 215 кеше мөрәҗәгать иткән.

Яшьләр советы хакында

Район Советы каршындагы Яшьләр советы яшьләрне урындагы үзидарә органы эшенә җәлеп итүнең мөһим төре. 2019 елда аның составы яңарды. Бүген 10 актив, максатчан һәм эшкә сәләтле яшь кеше яшьләр органы әгъзасы. Яшьләр советы әгъзаларының турыдан-туры катнашлыгында унбиштән артык чара, шул исәптән Балаларны яклау көне, Шәһәр көне, Русия Федерациясенең Дәүләт әләме куне, Яшьләрнең җәйге фестивале, Ачык сәхнә, "Йолдыз белән зарядка", "Тормышка 10 мең адым, "Яшел Башкортстан" акцияләре үткәрелде.

2020 елга бурычлар турында

Ид Президенты Владимир Путин Федераль Җыелышка Юлламасында бу елга эш юнәлешләрен билгеләде, уңышлы хәл ителүе шактый дәрәҗәдә төбәк һәм урындагы власть эшләренең тизлегенә һәм нәтиҗәлелегенә бәйле булачак бурычлар куйды.

Икътисадны һәм социаль өлкәне үстерү буенча бурычлар шулай ук Башкортстан Республикасы Башлыгы Радий Хәбиров тарафыннан 2024 елга төбәкне үстерү Страгиясендә куелды.

Район, шәһәр һәм авыл биләмәләре депутатлары Бөек Ватан сугышында Җиңүнең 75 еллыгына чараларыннан читтә калырга тиеш түгел. Хәтер һәм дан елында Совет халкының батырлыгы турында тарихи истәлекне саклау өчен барысын да эшләргә кирәк. Башкортстан Республикасында Торак пунктларның эстетика елы кысаларында территорияләрне төзекләндерү буенча сайлаучылар, район предприятиеләре һәм учреждениеләре эшләрен оештыруда турыдан-туры катнашырга.