"Рвезе кумыл" чыгыш ясый

"Рвезе кумыл" мари теленнән "яшь күңел" буларак тәрҗемә ителә. Яшь күңелле, дәртле һәм моңлы авыл җырчыларының вокаль ансамбленә биш ел элек Лиания Гайниева нигез салган. 2017 елдан ансамбль белән Рабак авыл клубының мәдәни оештыручысы Людмила Дмитриева җитәкчелек итә. "Ансамбльнең төп нигезен Снежана Алексеева, Лилия Ислибаева, Анисия Васинкина, Дина Исламова, Антонина Исликаева, Аня Солтанова, Альбина Иманова тәшкил итә, – ди коллектив җитәкчесе. – Безнең репертуарда мари халык та, автор җырлары да бар".

Күп түгел гамәлдә булу чорында "Рвезе кумыл"ның искитеч чыгышларына Яңавыл, Башкортстанның күрше районнары тамашачылары гына алкышламаган. Ансамбль булдырылып, бер елдан, ул инде төбәк чикләрендә танылган – үзешчән сәнгать артистларын оештыручылар Мари Эл башкаласына "Пеледыш пайрем" ("Чәчәкләр бәйрәме") чарасына чакырылган. Алар Яңавыл районыннан төрле фестиваль, смотр-конкурс, милли бәйрәмнәрдә бер тапкыр гына лаеклы вәкил булмаган.

Ансамбль өч тапкыр "Ший кандыра" район бию конкурсында җиңгән. Районда бер генә бәйрәм, авылда бер генә чара да алар чыгышыннан башка үтми. Алар җырга гына түгел, ә биюгә дә оста. Ә костюмнары нинди матур, чагу, милли бизәкләр белән чигелгән! Ательеда заказ бирәләр, дип уйлыйсызмы? Юк шул! Тоташ коллективка Людмила Вениаминовна үзе тегә.

"Әнием кул эшләре остасы иде, күнекмәләр аннан күчкән, күрәсең, – дип сөйли ансамбль җитәкчесе. – Костюм тегүгә күп вакыт китсә дә, аның каравы отышлы – кайдадыр барырга, эш өчен кемгәдер түләргә кирәкми. Безнең инде берничә комплект костюм бар. Ә чыгышларда хәтта яңа концерт итекләренә акча эшли алдык".

Әлеге хатын-кызларны җырга сөю, туган телне сөю берләштерә. Авылларда шундый патриот кешеләр, халык сәнгатен чын бәһалаучылар яшәгәндә, мәдәнияти сән булачак. Һәм "Рвезе кумыл" иҗатын кайчандыр "Илыш сем" әбиләр ансамбленнән алган кебек хәзерге яшьләр дәвам итәчәк.

Автор: Лидия Гарипова.