Владимир Путин бурычларны атады

РФ президенты Владимир Путин фән һәм мәгариф советы утырышында: “ Без бөтен дөньяда технологияләр һәм белем өчен глобаль ярышларның тиз үсүен күрәбез. Алга чыгучының бөтен кешелек дөньясының арытабангы үсешен билгеләячәге көн кебек ачык”,—дип белдерде.

Илбашы хөкүмәткә гыйльми-технологик үсешнең яңа дәүләт программасын әзерләргә кушты. Ул фәнне финанслауга карата алымнарны үзгәртү мөһимлеген билгеләде.

Моңа кадәр дәүләт башлыгы коронавирустан вакцина уйлап табуда Русиянең алда баруын билгеләгән иде. Сүз зур гыйльми уңыш турында бара.

Владимир Путин ясалма интеллект булдыруда иң яхшысы дип танылган ил дөнья лидеры роленә ия була алачак дип саный.