Барлык яңалыклар
Спорт
13 февраль 2018, 10:14

Спорт, салкын һәм кояш

«Русия чаңгы юлы»на 650 диярлек яңавыллы чыкты

10 февральдә районда инде йолага әверелгән күләмле «Русия чаңгы юлы» чаңгы узышы булды.
Салкын кояшлы көндә Сабантуй басуында чаңгы ярышында катнашу өчен мәктәп укучылары, оешма һәм учреждение хезмәткәрләре, һөнәри чаңгычылар һәм чаңгы шуарга яратучылар җыелды. Бәйрәмне район хакимияте башлыгының социаль мәсьәләләр буенча урынбасары Гәүһәр Миндиярова ачты.
– Бүгенге бәйрәм – сәламәт тормыш рәвешен күрсәтү, – дип билгеләде ул. – «Русия чаңгы юлы»на чыгучы яңавыллылар – ял итүнең төрле яшь, һөнәр һәр мавыгуларның актив яратучылар саны елдан-ел арта.
Үткән елда, сүз уңае, бөтенрусия спорт акциясенә 600гә якын кеше чыккан, быел чаңгычыларның саны 650гә кадәр диярлек җитте.
Күләмле стартта алар арасында Ю. Зиятов һәм К. Суфиятова иң уңышлысы, җитезе булды. Стартта ГТО нормасын үтәүдә яшь төркемнәре буенча Э. Ибраһимова һәм Т. Мингазиев иң яхшы нәтиҗә күрсәтте. Урнашкан йола буенча иң өлкән – 86 яшьлек З. Заякина һәм иң яшь катнашучы - биш яше дә тулмаган
З. Халикова билгеләнде.