Сез Туган илне сакларга әзерме?

Борынгы йола буенча кышның соңгы ае Ватанда үсеп килүче буын мохитендә хәрби-патриотик тәрбия, оборона-күләмле эш билгесе астында үтә. Бу мәгънәдә шушы көннәрдә районда педагоглар, хәрби комиссариат, ДОСААФ бүлекчәсе хезмәткәрләре өчен кызу мәл.

Мәктәпләр, яшүсмерләр клубларында тематик чаралар: хәрби хәрәкәтләр ветераннары белән очрашулар, батырлык дәресләре, «Яшь патриот» уены үтә. Яшьләр сараенда «Офицеры» Совет фильмын күрсәтү оештырылды (кайбер тамашачылар фикере: «фильм ошады»; «яңадан караячакмын»; «яхшы, ләкин мәгънәсе ахырына кадәр аңлашылмый»...).

Ләкин «Аҗаган» барлык елларда, һичшиксез, айның үзәк вакыйгасы булды һәм шулай булып кала. Быел ул 4 санлы мәктәп нигезендә үтте, биредә 12 команда катнашты. Строй әзерлеге, эстафета, турникта күтәрелү, идәннән кул ярдәмендә гәүдәне күтәрү, противогаз кию һәм салу, пневматик винтовкадан ату... Кыскасы, программаны бер сүз белән болай тасвирларга мөмкин – классик. Ләкин ярыш нәтиҗәләрен классикага кертеп булмый. Мисалга, Р. Гәрәев исемендәге мәктәп укучысы Диана Янышева иң төз атучы булды.

Төрләрнең һәрберсендә җиңү өчен җитди көрәш барды. Яшь армиячеләр генә түгел, ә аларның остазлары да холкын күрсәтте, әйткәндәй, кайберсе үз вакытында, кем әйтмешли, дары иснәгән.

Р. Гәрәев исемендәге мәктәп командасы III урын яулады, II урын гимназиячеләрдә. Яңа Уртавыл авылы мәктәбеннән балалар чемпион булды. Өстәвенә, алар узган елгы титулны саклый алды. Остазлары Илдар Ибраһимов әйтүенчә, алар яңа ел каникулыннан соң ук әзерлек алып бара башлаган. Балаларның тәҗрибәле педагог җитәкчелеге астында нигезле әзерләнүен билгеләргә кирәк – барлык төр буенча алар икенчедән түбән урын алмады. Чемпионнарның уртача яше, гомумән алганда, әллә ни булмаса да.

Күбрәк фото - сайтта һәм социаль челтәрләрдә.